Әһлибејт (ә) Хәбәр Аҝентлијинин вердији мәлумата ҝөрә-Декабрын 22-дә Ширван Апеллјасија Мәһкәмәсиндә һаким Әләсҝәр Новрузовун сәдрлији илә сатирик шаир, наркотик маддәнин ганунсуз дөвријјәси иттиһамы илә 6 ил мүддәтинә азадлыгдан мәһрум едилмиш Тофиг Һәсәнлинин шикајәти үзрә гәрар ачыгланыб.
Вәкил Елчин Садыгов Американын Сәсинә билдириб ки, дөвләт иттиһамчысы һөкмүн гүввәдә сахланмасыны истәјиб, вәкил исә Т.Һәсәнлијә бәраәт верилмәсини хаһиш едиб.
Шаир өзүсахланма заманы полисин ганун позунтусуна јол вердијини дејиб. Белә ки, онун чалышдығы мағазада санксијасыз, вәкил вә мүлкијјәтчинин иштиракы олмадан ахтарыш апарылыб.
Т.Һәсәнли она бәраәт верилмәсини вә ја сахланылдығы мүддәтин ҹәза мүддәтинә һесабланмасы үчүн иттиһамын аз ағыр маддәјә төвсиф едилмәсини хаһиш едиб.
Анҹаг мәһкәмә һөкмү дәјишмәјиб.
Мүдафиә тәрәфи Али Мәһкәмәјә кассасија шикајәти вермәк, сонра исә Авропа Инсан Һүгуглары Мәһкәмәсинә мүраҹиәт етмәк нијјәтиндәдир.
Тофиг Һәсәнли 2016-ҹы ил августун 22-дә ганунсуз наркотик маддә дөвријјәси иттиһамы илә 6 ил мүддәтинә азадлыгдан мәһрум едилиб.
О, һакимијјәтин вә дөвләт мәмурларынын үнванына тәнгиди шерләри илә таныныр.
2005-ҹи илдә наркотик маддәјә ҝөрә 3 ил мүддәтинә азадлыгдан мәһрум едилиб, амма 2007-ҹи илдә амнистија илә азадлыға бурахылыб.
Т.Һәсәнли Фаҹебоок вә Јоутубе-да сатираларыны дәрҹ етдирмәјә давам едиб. 2015-ҹи илин јанварында һәбслә һәдәләндијини билдириб, октјабрда исә сахланылыб.
Диггәт! Хәбәрдән истифадә етдикдә мәнбәјә истинад лазымдыр!
