Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Суријада террор јарадыб дәстәкләјән Гәрб вә онларын реҝиондакы үздәнираг мүттәфигләри Һәләбин орду гүввәләри тәрәфиндән азад едилмәсиндән ҹидди нараһатлыг кечирирләр. Ајдын вә хәбәрләри ҹидди арашдыран инсанлар билирләр ки, Һәләб әһалиси илләрдир ки, террорчуларын әлиндә әсир кими ән пис шәраитдә јашамагдадырлар.
Демәк олар бүтүн террор груплшамаларынын ҹәмләшдији бу шәһәрин азад едилмәси Суријада террорла мүбаризә саһәсиндә сон 6 илдә ән уғурлу налијјәт сајылыр. Тәбии ки, бу мәсәлә террор вә ҹинајәткарлыға дәстәк верән өлкәләри нараһат етмәјә билмәз. Гәрб, әрәб вә Түркијәдә Әрдоғанын медиасы бу ҝүнләр сөзүн әсл мәнасында һәјасызлыг нүмајиш етдирмәкдәдирләр. Террордан хилас олан әһалинин бајрам вә севинҹ ичиндәки әһвал-руһијјәләрини әкс етдирмәк әвәзинә, сахта кадрлар һазырламаг вә онлары һәгигәт адына инсанлара сырымагдадырлар.
Нечә илләрдир Гәрбин Сурија вә Ирагда јаратдығы террор груплашмаларынын ҹинајәтләри нүмајиш олунмагдадыр. Ушаг, аһыл, зијалы, гадын демәдән инсанларын башыны кәсиб, чармыха чәкән вә мин ҹүр әзијјәтлә гәтлә јетирәнләри кимсә лазымы сәвијјәдә ләнәтләмәди. Бу ҹинајәткарлар тәрәфиндән өлдүрүләнләр үчүн һеч вахт Ејфел гүлләсинин ишыглары сөндүрүлмәди.
Бүтүн бунлар террору дәстәкләјиб вә бир өлкәни мәһв едән Гәрб вә онларын әлалтыларынын нә гәдәр һәјасыз вә Аллаһсыз олдуғуну ортаја гојмуш олур. Вә террорун кимин тәрәфиндән дәстәкләндији бу әмәлләрлә бир даһа ајдынлашыр.
Диггәт: Хәбәрдән истифадә етдикдә мәнбәјә истинад лазымдыр
