Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Әрдәбил әјаләтинин әһалисинин Рәһбәрлик Експертләр Мәҹлисиндә нүмајәндәси ҹүмә намазынын хүтбәләринин диҝәр бир һиссәсиндә Азәрбајҹан Республикасынын иззәт вә зилләтинин истәр-истәмәз бүтүн дүнја азәриләринә аид олмасына тохунараг дејиб: “Она ҝөрә дә азәриләрин Азәрбајҹан Республикасында баш верән һадисәләрә һәссаслығы тәбиидир”.
Хәтиб, ҹәллад вә ушаг гатили олан сионист режимин баш назири Нетанјаһунун Азәрбајҹана бу јахынларда ҝөзләнилән сәфәрини писләјиб вә ону азәриләр үчүн бөјүк рүсвајлыг вә зилләт адландырараг дејиб: “Исраиллиләрин Нетанјаһонун һејкәлинин Исраилдә гојулмасына бир ҝүн дә дөзмәдији вә онун гызыл һејкәлини ашырдығы бир һалда Азәрбајҹан халгы бу ҹинајәткары неҹә гәбул едә биләр? Һалбуки исраиллиләрин өзләри белә ону гәбул етмирләр.”
Ајәтуллаһ Амили ҹәллад вә ушаг гатили олан сионист режимин баш назиринин Азәрбајҹан Республикасына бу јахынларда ҝөзләнилән сәфәринин әсас мәгсәдини ачыглајараг дејиб: “Исраилин Азәрбајҹан Республикасына марағы игтисади вә һәрби мәгсәдләр үзүндән дејил. Исраилә Азәрбајҹан јалныз Иранла гоншу олдуғу үчүн лазымдыр вә өзүнүн Сурија вә Ливандакы мәғлубијјәтләринин әвәзини Азәрбајҹан васитәсилә Ирандан чыхмаға ҹәһд едир”.
Диггәт: Хәбәрдән истифадә етдикдә мәнбәјә истинад лазымдыр
