Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Нардаранын мәзлум шәһидләринин биринҹи илдөнүмү мәрасими Тәбриз шәһәринин вилајәтчи әһалиси вә бир сыра дөвләт хадимләринин иштиракы илә Имам Садиг (әлејһи сәлам) адына Мәсҹидиндә кечирилиб.
Тәбриз әһалисинин вә дөвләт хадимләринин иштирак етдији бу мәнәви мәрасим Гурани-кәримдән бир нечә ајәнин тилавәти илә башланды. Мәрасимин давамында һөҹҹәтүл-ислам вәл-мүслимин Нәзәри нитг сөјләди. Хәтиб дүнја империализминин вә ушаг гатили сионист режимин Ислам вә мүсәлманлара гаршы мәкирли планларындан вә Азәрбајҹан Республикасында баш верән һадисәләр вә онун маһијјәтиндән данышды.
Өз чыхышынын мөвзусуну “бизим вәзифәмиз” адландыран ҹәнаб Нәзәри Ислам, Гуран вә Әһли-бејти (ә) мүдафиә јолунун чәтинлик вә зәһмәтләриндән сөз ачды, бу јолда бәсирәтли вә сәбирли олмағы чәтинлијә дөзмәјин ән бариз хүсусијјәтләри сырасында гејд етди.
Хәтибчыхышынындавамындабирсырамөвзуларадатохунду. О ҹүмләдән:
Гәрб өлкәләри дејир ки, Советләр Бирлији әждаһа иди вә онун парчаланмасындан сонра инди зәһәрли иланла, јәни Иранла мүбаризә апарырыг. Гәрб “шиә ајпарасы” лајиһәсини ортаја атмагла шиә вә сүннү арасындакы бағлылыглары гырмаг, онлар арасында ихтилаф јаратмаг фикриндәдир. Гәрб мәдәнијјәти дә Ислам вә шиәләрә гаршы јөнәлмишдир. Белә бир заманда Ислам өлкәләринин вәзифәси нәдир?
Мүсәлманлара һүҹум олундуғу дөвр олан индики заманда Ислам өлкәләринин вәзифәси бир-биринә јахынлашма сијасәти олмалыдыр. Әһалисинин 85 фаизи шиә олмагла Азәрбајҹан Республикасы Ирандан сонра икинҹи шиә өлкәсидир. Ҹәмијјәтинин 85 фаизи шиә олан бир өлкәнин кимлији “Ја Һүсејн” вә “Ја Меһди”дир. Бу кимлији дәјишдирмәк мүмкүн дејил. Азәрбајҹан Республикасынын елитасы вә дөвләт рәсмиләри бу мәсәләјә диггәт етмәлидир. Халгын кимлијини дәјишкән кимлијә дөндәрмәк олмаз. Азәрбајҹана Меһдисиз вә Һүсејнсиз бахмаг мүмкүн дејил. Намаз гылмаларынын гаршысыны алмаг, диварлардан имамларын (ә) адыны мәһв етмәк мүмкүн олса да Азәрбајҹан халгындан шиә кимлијини алмаг мүмкүн дејил.
Каш ки, Азәрбајҹанын рәсмиләри бу өлкә халгынын Әрбәин мәрасиминдә иштиракыны вә әзадарларын Имам Һүсејн (ә) бајрағыны далғаландырмасы сәһнәсини ҝөрүрдүләр. Нә үчүн онларын өз өлкәсиндә бу иш үчүн иҹазәләри олмасын? Азәрбајҹан халгынын зијарәт карванларынын Самирәдә иштиракы онларын Әһли-Бејт (ә) мәктәбинә севҝисинин јүксәк һәддә олмасыны нүмајиш етдирир. Сиз елә дүшүнүрсүнүз ки, “Ја Һүсејн” јазылмыш бајраглары өз өлкәниздә онларын әлиндән алсаныз, онлар сакит дајанаҹаглар вә һеч нә демәјәҹәкләр? Азәрбајҹанлы кишиләрлә бирҝә гадынларын да Әрбәин јүрүшүндә иштиракы бу халгын үрәјиндә Һүсејн (ә) севҝисинин дәринлијини ҝөстәрир. Нә үчүн бәзиләри Азәрбајҹан вә азәрбајҹанлылар үчүн сахта кимлик јаратмаг ардынҹадырлар? Бир кәсин затыны ондан алмаг мүмкүндүрмү? Бу һәрәкәтләр бәзи дөвләтләрин сәһв һесабламаларындан гајнагланыр. Әҝәр өз өлкәнизин һәгигәтләринә диггәт етсәниз, Әһли-Бејтә (ә) ашиг диндар киши вә гадынлары ҝөрсәниз, Азәрбајҹанда олан шәһидләрин сајына бахсасныз, артыг бу һадисәләрин архасында Иранын дајандығыны иддиа етмәјәҹәксиниз. Шиәлик Азәрбајҹан халгынын ганына гарышмышдыр. Буну нә һансыса бир өлкә јарада биләр, нә дә һансыса бир ҝүҹ орадан чыхара биләр. Нә үчүн һәгигәти ҝизләдирсиниз вә Азәрбајҹан халгынын дининин һәгигәтләрини диҝәр өлкәдән алынма адландырырсыныз? Танынмыш бир мүҹтеһид сизин өлкәнизә сәфәр едир вә бир ҝәнҹ онун әлини өпүр; бу пис бир ишдирми? Шәраб ичибдирми? Адам өлдүрүбмү? Һансы һәрәкәтинә ҝөрә ону вәтән хаини адландырырсыныз? Бу ҝәнҹ бир алимин әлини өпмүшдүр. Анҹаг сиз өзүнүз кимин әлини өпүрсүнүз? Неҹә олур ки, Имам Һүсејнин (ә) матәм бајрағыны ҝөтүрмәк ҹинајәт һесаб едилир, анҹаг Еуровисион кими позғун бир мүсабигә саваб адланыр? Һансы гејрәтли инсан һомосексуалларын парадына һагг газандыра вә ону инсан тәбиәтинә ујғун һесаб едә биләр? Һеч вахт бир дүшүнҹәни ҹамиәдән алмаг мүмкүн дејил. Һеч вахт халгын затыны пуч програмларла дәјишдирмәк мүмкүн дејил. Нә үчүн Гарабағын азад олунмасы үчүн амил ола биләҹәк шиә мәдәнијјәтинин ҝенишләнмәсини вә шиә бирлијинин јарадылмасынын јеринә шиә тәфәккүрү вә анламлары илә мүбаризә едир, ону мәһв етмәјә чалышырсыныз?
Азәрбајҹан Республикасынын дөвләт рәсмиләринә төвсијә едирәм ки, Али-Хәлифәнин Бәһрејндә етдији сәһви вә Әһли-Бејт (ә) ардыҹылларынын гаршысында дајанмасыны тәкрар етмәсинләр. Чүнки бу виранедиҹи бир селдир.
Мәрасмин давамында мәддаһ Меһди Хадим Азәријан Имам Һүсејнин (ә) мүсибәтләриндән зикр етди, Ислам шәһидләри, хүсусилә дә Нардаранын мәзлум шәһидләринин уҹа мәгамлары һаггында шер охуду.
Гејд едәк ки, мәрасимдә Нардаран вә Нардаранын мәзлум шәһидләринә аид видео-чарх да нүмајиш етдирилди.
Диггәт: Хәбәрдән истифадә етдикдә мәнбәјә истинад лазымдыр
