Әһлибејт(ә) Хәбәр Аҝентлијинин вердији мәлумата ҝөрә- Һаким Әлөвсәт Аббасовун сәдрлик етдији иҹласда Аббас Һүсејнов чыхыш едиб.
О, мәһкәмәјә сәдрлик едән һакимин өтән иҹлас заманы тәгсирләндирилән шәхсләрлә агрессија илә данышдығыны дејиб:
"Полис әмәкдашы Емин Бабајевә үнванланан суалларын гаршысыны алдыныз. Дединиз ки, һамыныз ҹавабынызы алаҹагсыныз".
Һаким исә дејиб ки агрессија илә данышмајыб, мәһкәмә гајдаларыны позанларын ҹәзаланаҹағыны билдириб.
“Бунлар өлүләрә дә тәзјиг едирләр”
Даһа сонра чыхыш едән Ҹаббар Ҹаббаров билдириб ки, Нардаран һадисәләриндә өлдүрүлән кәнд сакинләринин гәбирләри полисләр тәрәфиндән дағыдылыб:"Һәмин гәбирләрин үстү аиләләри тәрәфиндән дүзәлдилиб. Лакин онлары сөкүбләр. Бу, неҹә өзбашыналыгдыр? Бу, инсанлыға сығмыр ахы. Бунлар өлүләрә дә тәзјиг едирләр. Бу өзбашыналыг јох, ән ахырынҹы һәрәкәтдир. Бунунла бағлы гәрар вермәк лазымдыр".
Һаким билдириб ки, бунунла бағлы гәрар вермәк сәлаһијјәти јохдур. Чүнки мәһкәмәдә конкрет ишә бахылыр.
Ҹ.Ҹаббаров исә она "Һәмин ишдә олан адамларды дә. Онлар да өлдүрлмәсәјдиләр, бизимлә бирликдә мүһакимә олунаҹагдылар. Бундан президентин хәбәри јохдур?" ҹавабыны вериб. Һаким исә билдириб ки, бунунла бағлы һәмин шәхсләрин аилә үзвләри прокурорлуға шикајәт едә биләрләр: "Сиз мәндән мәним сәлаһијјәтимдән артыг шејләр тәләб едирсиниз".
Ҹ. Ҹаббаров исә дејиб ки, бунунла бағлы өлчү ҝөтүрүлмәлидир: "Буну ја 42-ҹи бөлмәнин, ја Сабунчу Полис Идарәсинин ишчиләри едиб. О, бу, сизлик дејил, бәс нә сизликди?"
"Бизим сөзүмүз Илһам Әлијевәдир”
Талеһ Бағырзадә баш верәнләри вандализм адландырыб:
"Бу һакимијјәт ИШИД-и ҝеридә гојуб. Вәһһабиләр имамларын гәбрин дағыдыр. Вәһһабиләрин һимајәчиси Азәрбајҹан һакимијјәти дә гәбирләри дағыдыр. Сабаһ онлар һакимијјәтдән ҝедәндә дәдәләринин, өзләринин гәбирләри һејкәлләри бу халг тәрәфиндән дағыдылаҹаг. Бизим сөзүмүз Илһам Әлијевәдир".
Ҹаббар Ҹаббаров исә дејиб: "Илһам Әлијев ханымыны сөјәнләрин үстүнә дүшсүн, гәбирләрин јох".
Тәгсирләндирилән Ибраһим Худавердијев һакимә суал вериб:"Сиз бир вәтәндаш олараг бу һәрәкәтә нифрәт едирсиниз?"
Һаким дејиб ки, гәбри дағытмаг ҹинајәтдир вә буну едәнләр ҹәзаланмалыдыр.
Аббас Һүсејновбуну гисасчылыг һесаб едиб:
"Гисас алмаг үчүн шәһидләрин гәбирләрини дағыдырлар. Бурда, ја да ермәни әсрлијиндә өлмәјин һеч бир фәрги јохдур".
Ҹаһанҝир Һаҹыјев мәһкәмәјә чағрылыб
Даһа сонра вәкил Јалчын Иманов Нардарандакы әмәлијјата рәһбәрлик едән Кәрим Әлимәрдановун вә “Бејнәлхалг Банк”ын һәбсдәки идарә һејәтинин сәдри Ҹаһанҝир Һаҹыјевин мәһкәмәјә чағрылмаларыны истәјиб. Билдириб ки, Аббас Һүсејнов Баш Мүтәшәккил Ҹинајәткарлыға Гаршы Мүбаризә Идарәсиндә Ҹ.Һаҹыјевлә ејни камерада сахланылыб вә о, Аббас Һүсејнова едилән ишҝәнҹәләри ҝөрүб. Һаким вәсатәтләри мүзакирә едәҹәкләрини дејиб.
Диҝәр шаһидләр просесә ҝәлмәдијиндән мәһкәмә нојабрын 23-дәк тәхирә салыныб.
Диггәт! Хәбәрдән истифадә етдикдә мәнбәјә истинад лазымдыр!
