Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Нојабрын 5-дә ҝеҹә саатларында Ҝәнҹәдә ҝәнҹ фәаллар Тапдыг Мәммәдов вә Елмир Тәһмин һәбс едилибләр.
Бу барәдә мәлуматы журналист Үлвијјә Әли фәалларын јахынларына истинадән өз “Facebook” сәһифәсиндә јајыб. Онун сөзләринә ҝөрә, ҝәнҹләр 30 сутка инзибати һәбс ҹәзасы алыблар.
Мәлумата ҝөрә, онларын һәбсинә сәбәб Јени Ҝәнҹә гәсәбәсиндә јерләшән Һејдәр Әлијев паркына “Диктатураја јох!” вә с. шүарлар јазмагларыдыр.
Үлвијјә Әлинин јаздығына ҝөрә, ҝеҹә илә бүтүн јазылар силиниб, ҝәнҹләрә полис шөбәсиндә ишҝәнҹә верилиб.
ДИН мәсәлә илә бағлы ачыглама вермир.
Диггәт: Хәбәрдән истифадә етдикдә мәнбәјә истинад лазымдыр
