“Фарснеwс”-а истинадән вердији хәбәрә әсасән, Мустафа Шәһадәнин шәһадәтилә бағлы шәһид аиләләринә башсағлығы верән Сејид Һәсән Нәсруллаһ дејиб: “Шәһид Мустафа тәшкилатын јарандығы ҝүндән етибарән мејданда олмушдур. Ону мејдандан јалныз шәһадәти ајыра билди.”
Ливанын дахили мәсәләләринә тохунан Сејид Нәсруллаһ “Президент сечими барәдә бизә чохлу иттиһамлар олду. Бәзиләри деди ки, “Һизбуллаһ” Мишел Ауну истәмир, јалан дејир. Онлар билсинләр ки, биз һеч вахт һијлә ишләтмирик. Бәзиләри өлкәдә президент сечкиләрини Иранын нүвә мүзакирәләрилә әлагәләндирдиләр. Биз илк ҝүндән Мишел Ауна олан дәстәјимиздә сәдагәтли идик вә бу мөвгејимиздән ҝери чәкилмәдик. Әсас одур ки, президентин сечилмәсилә Ливанда јени дөнәм башлады. Бизим Аунла 2006-ҹы илдән разылығымыз вар, лакин бунун президент сечимилә бағлы һеч бир әлагәси јохдур. Биз она ҝүвәндијимиз үчүн дәстәкләдик. Һәтта бир дәфә өзү биздән сорушду “Мәндән истәјиниз нәдир?”. Биз она ҝүвәндијимизи, сәдагәтли вә мүстәгил шәхс олдуғуну она дедик. Аун һеч бир сәфирлијә бағлы дејил вә өз ирадәсилә аддымлајыр. Бизим ону дәстәкләмәјимиз сијаси јох, әхлаги мөвзудур. Баш назирлик постуна бизим намизәдимиз јох иди, лакин өлкәдә јени дөнәмин башламасы үчүн әлимиздән ҝәләни етдик", -дејә илдириб.
Даһа сонра "Һибзуллаһ" лидери дејиб: "Милли Вәһдәт Дөвләти јарадылмалыдыр, чүнки өлкәмизин буна еһтијаҹы вар. “Һизбуллаһ” вә мүттәфигләри һәмкарлыға һазырдыр. Биз шәһидләрин ганы баһасына өлкәдә сабитлији горумушуг. Лакин бөлҝәдә саваш алову ҝетдикҹә артмагдадыр. Исраилин варлығы давамлы олмајаҹаг вә мәһв олмасы үчүн замана еһтијаҹ вар.”
