Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Ермәнистан хидмәтинин мәлуматына ҝөрә, Русија хариҹи кәшфијјат идарәсинин кечмиш рәһбәри, хариҹи ишләр назиринин кечмиш мүавини Вјачеслав Трубников дејиб: “Кечмиш Азәрбајҹан президенти Һејдәр Әлијев әрази ҝүзәштинә һазыр иди”.
Трубников һәмчинин 2000-2004-ҹү илләрдә АТӘТ-ин Минск групунун русијалы һәмсәдри олуб.
“4 ил әрзиндә Дағлыг-Гарабағ вә Днестрјаны реҝиондакы проблемләрин һәллијлә мәшғул олан АТӘТ-ин Минск групунун иштиракчысы олмушам. Бу чох да садә дејилди. Амма Гарабағ мәсәләсиндә вәзијјәт чох мүсбәт иди. Рәһмәтлик Һејдәр Әлијевлә вә Роберт Кочарјан (кечмиш ермәнистан президенти) , һәмчинин Дағлыг Гарабағ рәһбәрлији һәр шеји чох дүзҝүн гәбул едирдиләр”, дејә Трубников билдириб.
Кечмиш һәмсәдр дејир ки, мүнагишә тәрәфләри 15 ил әввәл һәлл варинаты һазырламышдылар, амма Әлијевин әтрафынын разылашмамасына ҝөрә баш тутмады.
“2000-ҹи илин апрелиндә АБШ-ын Ки-Вест шәһәриндә ҝөрүш олду. Формула тапдыг: Бејнәлхалг Валјута Фондунун вәсаити һесабына Азәрбајҹандан ҹәнуба вә Ермәнистандан Ханкәндинә дәһлиз тәмин етмәк оларды. Һејдәр Әлијев әввәлҹә һеч кимлә бөлүшмәди, амма сонра јахын һәмкарларына данышанда онлар дик галхдылар: Биз әразимизин бир парчасыны нечә верә биләрик? ”-дејә Трубников билдириб.
Јери ҝәлмишкән, Ермәнистанын кечмиш хариҹи ишләр назири Вардан Осканјанын јазыларындан белә бир мәгамы хатырладырыг: “Әлијевин атасы “оғлуну” Гарабағ проблеминдән гуртармаг вә она мүмкүн мүһарибә тәһлүкәсиндән азад өлкә гојуб ҝетмәк истәјирди. Әлијев белә бир комплексли гәрары Нахчыванла манеәсиз дәһлиз јарадылмасы әвәзиндә, Дағлыг Гарабағы Лачын дәһлизи илә бирликдә Ермәнистана вермәкдә ҝөрүрдү. Ки-Вестдә буна разылыг верән Һејдәр Әлијев Бакыја дөнәндә бу разылашмадан имтина еләди вә просес далана дирәнди”, Вардан Осканјан дејир.
Кечмиш һәмсәдр Вјачеслав Трубниковун сөзләринә ҝөрә, планда сүлһ әлдә олундугдан сонра мүнагишә зонасына МДБ-дән сүлһмәрамлы гүввәләр ҝөндәрилмәси нәзәрдә тутулурду.
Диггәт: Хәбәрдән истифадә етдикдә мәнбәјә истинад лазымдыр
