Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Иорданија халгы бу ҝүн парламентин алт ганады олан Нүмајәндәләр Палатасынын 130 үзвүнү мүәјјән етмәк үчүн сечкиләрә ҝедир.
Сечкиләрдә 2007-ҹи илдән бу јана илк дәфә сәләфијөнлү "Мүсәлман Гардашлар"ын сијаси ганады олан "Ислами Һәрәкат Ҹәбһәси" дә иштирак едир. 4 милјондан артыг сечиҹи 1252 намизәд арасындан сечим едәҹәк. Парламентдәки креслоларын 27-си гадынлара, христианлара вә диҝәр етник азлыглара ајрылыб.
Иорданија Кралы 2-ҹи Абдуллаһ парламентин үст ганады олан Сенатын үзвләрини һөкумәтин разылығы олмадан вәзифәдән кәнарлашдырмаг сәлаһијјәтинә малик олдуғуну билдириб.
Демократик ислаһат истигамәтиндә атылмыш кичик бир аддым олараг ҝөрүлән буҝүнкү сечкиләрдә исә ҝөзләр иштирак фәаллығы вә сәләфијөнлү мүхалифләрдә олаҹаг.
9 илдә илк дәфә сечкиләрә гатылан сәләфијөнлү "Мүсәлман Гардашлар" даһа әввәл 2010 вә 2013-ҹү илдә кечирилән сон ики сечкини сечки системи вә ганунсузлуг едиләҹәјинә даир иддиалар сәбәбиндән бојкот етмишди.
Мүтәхәссисләр һәрәкатын сијаси ганады олан "Ислами Һәрәкәт Ҹәбһәси"дән 20-јә јахын депутат сечилмәсини ҝөзләјир.
Өлкәнин ән бөјүк дини органы "Дар әл-Ифтаа" (Фәтва Шурасы) сәс вермәнин милли вә дини вәзифә олдуғуну билдирән фәтва верәрәк, халгы сечкиләрә ҝетмәјә чағырыб. Анҹаг Франса хәбәр аҝентлији АФП сәһәр саатларында иштирак нисбәтинин ашағы олдуғуну билдириб.
Иорданија Дахили Ишләр Назирлији исә ҹидди тәһлүкәсизлик тәдбирләринин ҝөрүлдүјү сечкиләрлә әлагәдар 50 мин полисин вәзифә башында олдуғуну ачыглајыб.
Диггәт: Хәбәрдән истифадә етдикдә мәнбәјә истинад лазымдыр
