Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Азәрбајҹан Ислам Партијасынын (АИП) һәбсдә олан лидери, сијаси мәһбус Һаҹы Мөвсүм Сәмәдовун вәкили Јалчын Иманов мүвәккили илә ҝөрүшүб.
Вәкил билдириб ки, бу ҝүн сәһәр саат 09:00 радәләриндән етибарән доктор Мөвсүм Сәмәдов 26 сентјабрда кечириләҹәк референдума етираз олараг башлатдығы аҹлыг аксијасыны дајандырыб. Ејни заманда һәбсханадан вердији етираз руһлу бәјанатлар сәбәбиндән 15 ҝүн мүддәтинә салындығы карсын мүддәти бу ҝүн битиб.
Јалчын Иманов әлавә едиб ки, доктор Сәмәдовун сәһһәтиндәки үмуми һалсызлыг һәлә дә давам едир. Тәзјиги дүшүр, сәһһәтиндә проблемләр мөвҹуддур: “Карса салынандан 8-9 ҝүн сонра Гырмызы Хач Комитәсинин нүмајәндәләри Һаҹы Мөвсүм Сәмәдова баш чәксәләр дә, һазырда һеч бир һәким нәзарәти јохдур”.
АИП лидери аҹлыг аксијасы мүддәтиндә она дәстәк верән һәр бир кәсә өз тәшәккүрүнү билдириб.
Гејд едәк ки, Сентјабрын 12-дә Али Тәглид Мәрҹәси Ајәтуллаһ Мәкарим Ширази рәсмән Мөвсүм Сәмәдова мәүраҹиәт едәрәк онун Ислама вә Әһли Бејт Мәктәбинә ҝәрәкли олдуғу үчүн сағламлығынын горунмасыны зәрури сајараг аҹлыг аксијасына сон гојмасыны истәмишдир.
Диггәт: Хәбәрдән истифадә етдикдә мәнбәјә истинад лазымдыр
