Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Үмүмдүнја Мүсәлманларынын Али Тәглид Мәрҹәси Ајәтуллаһ Мәкарим Ширази Азәрбајҹан Республикасынын мүбариз руһаниси Һөҹҹәтүл Ислам вәл Мүслимин доктор Мөвсүм Сәмәдова мәктубла мүраҹиәт едиб.
Ајәтуллаһ Мәкарим Ширази мәктубунда әлијевләр һакимијјәтини Доктор М. Сәмәдова вә онун тимсалында диҝәр Исламчы вә вәтәнпәрвәр шәхсләрә гаршы тәзјигләрдән чәкинмәјә дәвәт едиб. Ејни заманда да өлкәдә конститусијаја дәјишилик едилмәсинә етираз олараг аҹлыг аксијасы кечирән вә сәһһәтиндә ҹидди проблемләр јаранан һаҹы Мөвсүм Сәмәдову аксијаны дајандырмаға чағырыб.
Мәктубунтаммәтнинитәгдимедирик:
Али Тәглид Мәрҹәси Ајәтуллаһ Мәкарим Ширазинин мәктубунун мәтни:
Аллаһын ады илә
Ҹәнаб Һөҹҹәтүл Ислам вәл Мүслимин доктор һаҹы Мөвсүм Сәмәдов!
Салам вә еһтирамла.
Сиз, һәмд олсун Аллаһа, өмрүнүз боју Ислам вә мүсәлманлара чох хидмәт етмисиниз. Бу хидмәти давам етдирмәк үчүн сағламлығынызы горумағыныз зәруридир.
Бизә хәбәр чатды ки, сиз аҹлыг аксијасы кечирирсиниз вә сәһһәтиниз писләшиб. Мән сизин сағламлығынызын горунмасыны зәрури сајырам. Бу ҝөрә дә, вурғу илә, аҹлыг аксијасыны дајандырмағынызы тәләб едирәм! Иншааллаһ, Аллаһ јолунда ҹиһад едәнләрин савабын газанаҹагсыныз.
Үмид едирик ки, Азәрбајҹан һөкумәти дә, сизә вә сизин тимсалынызда олан Ислам, мүсәлманлар вә Азәрбајҹан өлкәсинин јүксәлишиндән башга мәгсәди олмајан диҝәрләринә дә, чәтинлик јаратмагдан әл чәкәҹәк.
Иншааллаһ, һәмишә Аллаһын лүтф вә инајәти үзәринизә олсун!
Хатырладаг ки, 2011.01.02 тарихдә чыхыш едәрәк мөвҹуд режими ганун чәрчивәсиндә тәнгид етдијинә ҝөрә, ШӘРЛӘНӘРӘК 12 ил азадлыгдан мәһрум едилән Азәрбајҹан Ислам Партијасынын Лидери, сијаси мәһбус Доктор Мөвсүм Сәмәдов 2016, сентјабрын 26-да кечирилмәси планлашдырылан Конститусија дәјишикликләри актына, еләҹә дә Тале Бағырзадә вә Нардаран һадисәләринә ҝөрә тутулан шәхсләрә верилмиш ишҝәнҹәләрә, ганунсузлуға етираз олараг мүддәтсиз аҹлыг аксијасы кечирир. Мөвсүм Сәмәдов августун 29-дан аҹлыг аксијасына башлајыб вә аксијанын тәләбләри илә бағлы һәбсхана рәһбәрлијини јазылы шәкилдә мәлуматландырыб. Һазырда мүбариз руһанинин сәһһәтиндә ҹидди проблемләр јараныб."
Диггәт: Хәбәрдән истифадә етдикдә мәнбәјә истинад лазымдыр
