Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән,Бакы Апеллјасија Мәһкәмәсиндә Ганлы Нардаран һадисәләри илә бағлы тутулан Вүсал Надир оғлу Алышын барәсиндә сечилмиш һәбс гәтимкан тәдбиринин узадылмасы илә бағлы мәһкәмә гәрарындан верилән апеллјасија шикајәти үзрә мәһкәмә просеси кечирилиб.
"Репорт"ун мәлуматына ҝөрә, һаким Ҹамал Рамазановун сәдрлији илә кечирилән просесдә гәрар елан олунуб.
Гәрара әсасән, В.Алышын апеллјасија шикајәти тәмин едилмәјиб. Биринҹи инстансија мәһкәмәсинин чыхардығы гәрар гүввәдә сахланылыб.
Хатырладаг ки, өтән ај Нәсими Рајон Мәһкәмәсиндә В.Алышын барәсиндә сечилмиш һәбс гәтимкан тәдбиринин узадылмасы илә бағлы истинтаг органынын вердији тәгдимата бахылыб. Мәһкәмә онун барәсиндә сечилмиш һәбс гәтимкан тәдбирини 4 ај мүддәтинә артырыб. Гәрардан наразы галан В.Алыш апеллјасија шикајәти вериб.
Гејд едәк ки, Дахили Ишләр Назирлији (ДИН) 2015-ҹи ил нојабрын 26-да Бакы шәһәри Сабунчу рајонунун Нардаран гәсәбәсиндә хүсуси әмәлијјат кечирилиб. ДИН билдиришинә ҝөрә, әмәлијјата бир-баша Илһам Әлијев башчылыг едиб. Зибил машынлары илә Нардаран гәсәбәсинә сохулан полисләр әмәлијјат заманы зоһр вә әср намазлары илә мәшғул олан вәтәндашлара силаһлы мүгавимәт ҝөстәрәрәк автомат силаһлардан атәш ачыб, әл гумбарасы атыб. Полисин давамлы атәшләри нәтиҹәсиндә 4 сивил Шәһид едилиб, даһа бир нечә нәфәр јараланыб. Әмәлијјатын даһа да тәбии алынмасы вә вәтәндашларын ҹинајәткар олдуғуну чатдырмаг үчүн өз әмәкдашларындан икисини гәтлә јетирир. Бу ҝүнә кими һадисә јериндән полисин истифадә етдији автомат силаһ, әл гумбарасы, сојуг силаһлар вә с.-дән башга мадди сүбут кими һеч бир факт тапылмајыб.
Диггәт: Хәбәрдәнистифадәетдикдәмәнбәјәистинадлазымдыр
