Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, "Хобреган" мәҹлисинин үзвү, Тәбризин имам ҹүмәси Ајәтуллаһ Мүҹтеһид Шәбистәри ДГИДК-нин сәдри Мүбариз Гурбанлыны гәбул едиб.
"Хобреган" мәҹлисинин үзвү, Тәбризин имам ҹүмәси Ајәтуллаһ Мүҹтеһид Шәбистәри ДГИДК-нин сәдри Мүбариз Гурбанлы илә ҝөрүшүндә дејиб: "Бу кими һәрәкәтләрә гаршы там бирләшмәк вә һәмрәј олмаг лазымдыр. Бизим дини өһдәлијимиз тәләб едир ки, һаггы сөјләјәк вә мәзлумларын јанында дураг, биз сона гәдәр бу методу давам етдирәҹәјик, Гарабағ Ислам торпағыдыр вә Азәрбајҹана гајтарылмалыдыр она ҝөрә ки, Исламын тәнинин бир парчасыдыр."
Үмумдүнја Әһли-бејт (ә) Ассамблејасынын Али Шурасынын сәдри һәмчинин дејиб: "Дүшмән мүсәлманлара гаршы јоруҹу һәрәкәтләр ардынҹадыр, бу кими шејтанлыглар гаршысында там бирләшмәли вә һәмрәј олмалыјыг она ҝөрә ки, анд ичмиш дүшмән мәғлубијјәтә уғрасын."
Мүҹтеһид Шәбистәри сөзләринин давамында "Ҝәнҹләримизин Ислам вә Гуран тәлимләри илә үнсијјәтдә олмалары үчүн мүәјјән тәшәббүсләр һәјата кечирилмәлидир она ҝөрә ки, ҝәнҹләр вә ҹәмијјәт үзвләри нә гәдәр дин илә үнсијјәтдә оларларса бир о гәдәр ҹәмијјәтин иззәт вә шәрәфи јүксәләҹәк, Азәрбајҹанын да бу реаллыға ҹидди јанашмасы өз төһфәсини верәр.", - дејә әлавә едиб.
Ајәтуллаһ Шәбистәри диндарлығын ҹәмијјәтдә сабитлик вә тәһлүкәсизлијә сәбәб олдуғуну билдирәрәк дејиб: "Азәрбајҹан рәһбәрләринин руһаниләрә дәстәк вермәләри вә онларын потенсиалларындан истифадә етмәләри дини тәлимләрин ҝениш јајылмасына ҝәтириб чыхарар."
Диггәт: Хәбәрдән истифадә етдикдә мәнбәјә истинад лазымдыр
