Инҝилтәрәнин Сурија халгина гаршы гизли планы ифша олунуб

Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Гардиан гәзети Инҝилтәрә дөвләтинин Сурија “мүхалифәтини” гануниләшдирмәк үчүн һәјата кечирдији ҝизли стратеҝијасыны ифша едиб.

Лондонда чыхан Гардиан гәзети бу ҝүнкү сајында јазыр: Инҝилтәрә дөвләти 2013-ҹү илдә Сурија дөвләтинин мөвгеләринә һүҹума кечмәк үчүн парламентин разылығыны әлдә едә билмәдикдән сонра, һәмән ил пајызда Суријаја нүфүз едәрәк, силаһлы мүхалифәти үмуми фикирә гануни ҝөстәрмәк үчүн ҝизли кампанијаја старт верди.

Гардиан јазыр ки, Инҝилтәрә дөвләти бу мәгсәд үчүн 2 милјон 400 мин понд вәсајит ајырыб. Һәмини вәсаит һесабына Түркијәнин Истанбул шәһәриндә мүәјјән шәхсләри ишә ҝөтүрүб вә стратежи әлагәләр вә медија әмәлијјатлары јолу илә Суријадакы силаһлы мүхалифәтә дәстәк сијасәтини иҹра едиб.

Гәзети јазыр: Сөзү ҝедән кампанијанын үзвләри илк өнҹә Инҝилтәрәнин Хариҹи Ишләр Назирлији тәрәфиндән фәалијјәтә ҹәлб олунуб, сонра исә бу өлкәнин Мүдафиә Назирлијинин нәзарәти алтында Суријанын силаһлы мүхалифәтинин хејиринә видео, шәкил, телерепортажларын һазырланмасы вә сосиал шәбәкәләрдә фәаллыг ҝөстәрилмәсинә јөнәлдилиб. Һәмин кампанија чәрчивәсиндә Инҝилтәрә дөвләтинин изи олмадан әрәб медијасында суријалы мүхалифәтин хејиринә мәлуматлар јајылыб.

Гардиан јазыр: Бу фактлар ҝөстәрир ки, Инҝилтәрә дөвләти Суријада һәрби мүдахиләјә наил олмадығы сүрәҹдә бу ҝизли планы давам етдирмәк нијјәтиндә олуб.

Сурија бөһраны 2011-ҹи илдә Америка вә онун мүттәфигләринин дәстәкләдикләри террорчу групларын, Суријанын гануни вә леҝитим дөвләтини девирмәк мәгсәди илә ҝениш һүҹуму нәтиҹәсиндә башланмышдыр.

Диггәт: Хәбәрдән истифадә етдикдә мәнбәјә истинад лазымдыр