Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, “Азадхебер.орҝ” сајтынын редактору Ниҹат Әлијев јенидән мәһкәмә гаршысына чыхыр. Али Мәһкәмәдә журналистин кассасија шикајәтинә бахылаҹаг. Бу барәдә Ниҹат Әлијевин вәкили Јалчын Ыманов мәлумат вериб.
Вәкил билдириб ки, журналистин ишинә апрелин 7-дә Ингилаб Нәсировун сәдрлијилә бахылаҹаг.
Хатырладаг ки, Бакыда кечирилән бәднам “еуровисион 2012” фәсад мүсабигәсинә һөкумәтин бөјүк вәсаит хәрҹләмәсини тәнгид едән Исламчы журналист Ниҹат Әлијев елә јарышма әрәфәсиндә – 2012-ҹи ил мајын 20-дә әлијев режими тәрәфиндән наркотик сахламагда ШӘРЛӘНӘРӘК һәбс олунуб. Сонрадан ону ҸМ-нин 281-ҹи (дөвләт әлејһинә чағырышлар), 283-ҹү (милли, ирги, сосиал вә ја дини нифрәт вә дүшмәнчилијин салынмасы) маддәләрилә дә ШӘРЛӘЈӘРӘК һәбс мүддәтини узатмаға башлајыблар. Бакы режиминин етирафына ҝөрә, Ниҹат Әлијев вә онунла бирликдә мүһакимә олунан даһа доггуз Исламчы Азәрбајҹан һакимијјәтинин сијасәтини тәнгид едән вәрәгә вә видеодискләр јајыблар.
Ниҹат Әлијев Бакы Ағыр Ҹинајәтләр Мәһкәмәсинин һөкмү илә 10 ил азадлыгдан мәһрум едилиб. Бакы Апелјасија Мәһкәмәси дә бу һөкмү гүввәдә сахлајыб.
Диггәт: Хәбәрдән истифадә етдикдә мәнбәјә истинад лазымдыр
