Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, бу ҝүн мүбариз вә мүҹаһид шәхсијјәт, АИП-ин гуруҹуларындан олан, партијанын сабиг сәдри Һаҹы Әли Икрам Әлијевин вәфатынын ил дөнүмүдүр.
Мүбариз вә мүҹаһид шәхсијјәт, Һаҹы Әликрам Әлијев Исмаил оғлу 1940-ҹы илин апрел ајынын 5-дә Бакынын 25 километрлијиндә јерләшән Нардаран кәндиндә дүнјаја ҝөз ачмышдыр.
Совет һакимијјәтинин сон илләриндә мәрһум Һаҹы Әликрам Әлијев вә онун әтрафындакыларын ағыр зәһмәтләри илә Азәрбајҹанда Исламы Ојаныш Һәрәкаты баш тутуб.
Һаҹы Әликрам Исламла дүшмән олан коммунист режиминин хаос вә боғуҹу атмосфериндә боја-баша чатыб, Ислам маариф илә таныш олуб. Һаҹы Әликрам 1965-ҹи илдә Бакы Идман Институтунун мәзуму олуб. Сонра гыса мүддәт мүәллим ишләјиб. Даһа сонра өз аиләви пешәси олан әкинчиликлә мәшғул олуб. Амма һеч вахт Совет Иттифагынын динә гаршы сијасәтләри илә мүбаризәни дајандырмајыб.
Һаҹы Әликрам Азәрбајҹанын мүстәгиллији уғрунда башлајан халг һәрәкатынын да фәал иштиракчыларындан олуб. Совет Иттифагы дағыландан вә Азәрбајҹан мүстәгиллик газанандан сонра Һаҹы Әликрам Азәрбајҹан Ислам Партијасы 1991-ҹи илдә Нардаран гәсәбәсиндә тәсис едир вә 20 сентјабр 1992-ҹи илдә Азәрбајҹан Ислам Партијасы рәсми сүрәтдә илк икинҹи Партија олараг дөвләт гејдијјатына алыныр вә Халг һәрәкаты фәалларындан олан Һаҹы Әликрам Ислам һәрәкатынын лидеринә чеврилир.
Лакин 1995-ҹи илдә диктатор Һејдәр Әлијевин рәсми ҝөстәриши илә, партија сәдри Һаҹы Әликрам вә мүавини дини фәалијјәтләринә ҝөрә һәбсдә олунур, ишҝәнҹәләрә мәруз галырлар. Ислам Партијасынын дөвләт гејдијјаты да Азәрбајҹан Республикасы Али Мәһкәмәси тәрәфиндән ләғв олунур. 1996-ҹы илин мајында исә, гондарма Ҹинајәт Мәҹәлләсинин 57-ҹи маддәси-“вәтәнә хәјанәт” илә ШӘРЛӘНӘРӘК һәбс олунур. Даһа сонра 1999-ҹу илин нојабр ајында әфв едилир. О, 2002-ҹи илдә Нардаран гәсәбәсиндә әһали тәрәфиндән сосиал вә комунал тәләбатлар үчүн кечирилән аксијада фәаллыг ҝөстәрдијинә ҝөрә, 6 ил мүддәтинә азадлыгдан мәһрум едилир, лакин 2003-ҹү илдә јенидән әфв олунур.
Өмрүнүн сон илләрини ағыр хәстәликлә кечирән бөјүк мүҹаһид 17 март 2011-ҹи ил тарихиндә Бакынын Нардаран гәсәбәсиндәки шәхси мәнзилиндә вәфат едиб.
Бу јорулмаз мүбаризин үзүҹү вәфатындан сонра онун ҹәназәси 2011-ҹу ил, мартын 18-дә Нардаран гәсәбәсиндә јерләшән Рәһимә ханым (с.ә) зијарәтҝаһынын кәнарында дәфн едилиб.
Аллаһ рәһмәт еләсин!
Диггәт: Хәбәрдән истифадә етдикдә мәнбәјә истинад лазымдыр
