Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Сурија Русија вә АБШ тәрәфиндән һазырланмыш план үзрә Әрәб Республикасында һәрби әмәлијјатларын дајандырылмасына разылашды.
Сурија ХИН-дән верилән мәлумаа ҝөрә, Дәмәшг, ИШИД, “Ҹәбәһ әл Нүсрә” вә диҝәр онларла вә “Әл Гаидә” илә бағлы терроризм, ҹинајәткар груплашмалара гаршы һәрби сәјләрин давам етдирилмәсинә әсасланараг, Русија-Америка разылашмасына мүвафиг олараг һәрби әмәлијјатлары дајандырмаға разыдыр.
Сурија бунунла јанашы, Сурија вәтәндашларына вә ја Әрәб Республикасынын силаһлы гүввәләринә гаршы силаһлы груплашмалар тәрәфиндән истәнилән гајда позунтуларына “адекват ҹаваб вермә һүгугуну” горујуб, - ХИН билдириб.
Гејд едәк ки, Русија вә АБШ президентләри Владимир Путин вә Барак Обама феврал ајынын 22-дә баш тутмуш телефон данышығы заманы Суријада атәшкәси тәсдигләјибләр.
Русија лидеринин сөзләринә ҝөрә, әлдә едилән разылыг – “ган төкүлмәсинин гаршысыны алмаг үчүн атылмыш реал аддымдыр”.
Русија вә Суријанын бирҝә бәјанатына ҝөрә, атәшкәс феврал ајынын 27-дә Дәмәшг вахты илә саат 00:00-да гүввәјә минәҹәк.
“АБШ вә Русија БМТ-нин васитәчилији илә Сурија бөһранынын сүлһ јолу илә тәнзимләнмәсинә вә Әрәб Республикасында һакимијјәтин өтүрүлмәси просеси үчүн шәраитин јарадылмасына наил олмаг нијјәтиндәдирләр”, - бәјанатда дејилир.
Диггәт: Хәбәрдән истифадә етдикдә мәнбәјә истинад лазымдыр
