Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,
Иран Ислам Республикасы Низам-Интизам Гүввәләринин Наркотикләрлә Мүбаризә Идарәсинин рәиси Иран вә Түркиjә сәрһәд гүввәләри арасында "онлине" әлагәнин олмасындан хәбәр вериб.
Бригада ҝенералы Муjиди түркиjәли һәмкары илә ҝөрүшүнүн кәнарында журналистләрә вердиjи мүсаһибәдә Иран вә Түркиjә арасындакы мүштәрәк сәрһәдләрин узун олмасына ишарә едәрәк, деjиб: Түркиjә полиси наркотикләрлә мүбаризәдә бизим актив шәрикләримиздәндир вә наркотикләрин мүтәшәккил ҹинаjәткарлыг һесаб едилмәсини нәзәрә алараг, бу нәһс феномен илә мүбаризәдә өлкәләрин бир-бириләри илә әмәкдашлыг етмәли олдугларына инанырыг.
Түркиjә полисинин наркотикләрлә мүбаризә идарәсинин рәиси Орһан Измир дә наркотикләрин бүтүн өлкәләр үчүн тәһлүкә саjылдығына вә өлкә сәрһәдләриндән кәнарлара узанан бир ҹинаjәт олдуғуна ишарә едәрәк, деjиб: наркотик өлкәләрин игтисадиjjаты вә ҝәнҹ ишчи гүввәсини тәһдид едир. Буна ҝөрә дә биз өлкәләрин наркотикләрлә мүбаризәдә әмәкдашлыг етмәли вә информасиjа мүбадиләси апармалы олдуғуну дүшүнүрүк. Елә бу мәгсәдлә наркотикләрлә мүбаризә саһәсиндә Иран илә jахын әмәкдашлыға малик олмаға чалышмышыг.
Диггәт: Хәбәрдән истифадә етдикдә мәнбәjә истинад лазымдыр
22 aprel 2015 - 14:43
Xəbər kodu: 685684
Иран Ислам Республикасы Низам-Интизам Гүввәләринин Наркотикләрлә Мүбаризә Идарәсинин рәиси Иран вә Түркиjә сәрһәд гүввәләри арасында "онлине" әлагәнин олмасындан хәбәр вериб.
