Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Бу ҝүн әламәтдар ҝүнләрдән ән өнәмлиси Пеjғәмбәрн (с.ә.с) ҝөзүнүн ишығы , дүнjа вә ахирәт ханымларынын ән үстүнү, Ханым Фатимеjи Зәһранын (с.ә) мүбарәк мөвлуд ҝүнүдүр.
Ислам аләминдә бу ҝүн jәни ханым Зәһранын (с.ә) доғум ҝүнү мусәлман гадынларын баjрамы кими геjд олунур.
Елә бу мүнасибәт илә биз АБНА-Хәбәр Аҝентлиjи каллективи адындан башда Имам Заман (ә.ф) олмагла бүтүн мөминләри, хүсусилә ханымлары тәбрик едирик. Мүсәлман ханымларымыза ханым Зәһрадан (с.ә) дәрс алмағы, ону өзүнүзә нүмунә ҝөтүрмәjи вә даима ләjагәтли, иффәтли, намуслу олмағы вә онун кими әввәлҹә ҝөзәл гыз өвлады даһа сонра мүкәммәл һәjат jолдашы вә нәһаjәтки гаjғыкеш ана олмағы арзу едирик.
Инди исә Ханым Фатимеjи Зәһранын (с.ә) тарихинә ким олмасыjла бағлы кичик бир нәзәр салаг.
Пеjғәмбәр (с.ә.с) вә Хәдиҹә (с.ә)-нин гызы Фатимә (с.ә) бесәтин 5-ҹи или, Ҹәмадиус сани аjинин 20-си, мүбарәк Ҹүмә ҝүнү Мәккәдә дүнjаjа ҝөз ачиб.
Пеjғәмбәр (с) гызынын доғум әрәфәсиндә Хәдиҹә ханыма белә буjурмушду: "Инди Ҹәбраил мәнә муштулуг верди ки, пак вә ҝүл кими бир гызыныз дүнjаjа ҝәләҹәк вә бүтүн имамлар, мәсумлар онун нәслиндән ҝәләҹәк."
Ханым Фатимә өз фәзиләти вә дәjәри илә инсанлығын бүтүн һәгигәтини, камиллиjини, бир гадына верилә биләҹәк ән али дәjәрләри өзүндә еһтива етмишди. Мәһз буна ҝөрә дә Пеjғәмбәр (с) буjуруб: "Аллаһ Фатимәнин (с.ә) гәзәби илә гәзәбләнир, онун севинҹи илә севинир". "Фатимә (с.ә) мәним тәнимин jарысыдыр. Ким Фатимәни (с.ә) инҹидсә, мәни инҹидир, онунла дүшмәнчилик едән мәнимлә дүшмәнчилик едир". "Фатимә (с.ә) мәним гәлбимдир, руһумдур,ҹанымдан бир парчадыр".
Һәдис вә рәваjәтләрә ҝөрә Гурани-Кәримин "көвсәр" сурәси дә Ханым Зәһранын шәрәфинә назил олуб.
Ханым Фатимеjи Зәһра (с.ә) һаггында нә гәдәр jазсаг, онун шәнинә нә гәдәр ҝөзәл сөзләр десәк jенә дә зәррә гәдәр белә камиллик елмини , гадынлыг исмәтини, шүҹаәтини данышыб битирмәjә мәрифәтим чатмаз... "О" дүнjаjа ҝәлмиш вә ҝәләҹәк бүтүн ханымларын Зинәти вә ән үстүн ханымыдыр.
Диггәт: Хәбәрдән истифадә етдикдә мәнбәjә истинад лазымдыр
