АИП Милли Шуранын митингинә гатылмаjаҹаг

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Азәрбаjҹан Ислам Партиjасы (АИП) Милли Шуранын нөвбәти митингиндә иштирак етмәjи планлашдырмыр
 “Биз тәҹрүбәләр әсасында данышырыг. Бир дәфә митингләрин бириндә иштирак етмәjимиз үчүн Милли Шура бизи дә дәвәт етмишди. Биз дә бир ҝүн сонра олаҹаг митингә һазырлашырдыг, һазырлыг ишләри ҝөрүрдүк. Амма елә һәмин ҝүн бизә хәбәр ҝөндәриб митингдә иштирак етмәмәjимизи хаһиш етдиләр.
Дедиләр ки, сизин бизим митингдә иштирак етмәjиниз бизим зәрәримизә ишләjәҹәк”. Буну Милли Шуранын 5 апрел митингиндә иштирак едиб-етмәjәҹәкләрилә бағлы исламазери.аз-а ачыгламасында Азәрбаjҹан Ислам Партиjасынын (АИП) сәдр әвәзи Елчин Манафов деjиб. О билдириб ки, Милли Шуранын митингинә рәсми дәвәт ҝәлмәjиб. Дәвәт кими ҝәлмәjибсә, митингдә иштирак етмәк артыг һәр бир кәсин өз истәjиндән асылыдыр. Һәр бир вәтәндаш митингдә иштирак едә дә биләр, етмәjә дә биләр: “Бизә Милли Шурадан дәвәт ҝәлмәjиб. Милли Шурадан һеч бир дәвәт тәклифи алмамышыг. Биз үмумиjjәтлә, һеч вахт Милли Шуранын митингләринә мүхалиф олмамышыг. Үзвләримизидән хәбәр алыб мөвгеjимизи өjрәнибләр. Вәтәндаш кими иштирак етмәjимизи мәсләһәт ҝөрүбләр. Амма бизим партиjа кими митингдә чыхышымыз үчүн мүтләг ҝәрәк бизи рәсми шәкилдә дәвәт етсинләр ки, биз дә идарә һеjjәти илә мәсләһәт-мәшвәрәт едәк. Амма һәлә ки, елә бир шеj олмаjыб”. Сәдр әвәзи геjд едиб ки, онлар партиjа олараг өзләри дә дәфәләрлә митинг кечирмәк истәсәләр дә, һакимимиjjәт буна иҹазә вермәjиб: “Бизим лидеримиз дә, достларымыз да һазырда зиндан һәjаты jашаjыр. Биз өзүмүз дә митинг кечирмәк үчүн дәфәләрлә Бакы Шәһәр Иҹра Һакимиjjәтинә мүраҹиәт етмишик. Амма бизим мүраҹиәтимизә һеч вахт мүсбәт ҹаваб верилмәjиб. Бизә митинг кечирмәк гадаған едилиб. Буна бахмаjараг, бизим етиразларымыз һәмишә гүввәдә олаҹаг. Амма биз истәмирик ки, разылашдырылмамыш митинг кечирәк. Она ҝөрә истәмирик ки, фәсадлар олаҹаг. Биз үзвләримизин вә тәрәфдашларымызын тәһлүкәсизлиjини тәмин етмәjә чалышырыг. Һәр һалда бизим дә диндарлар кими архамызҹа ҝәлән издиһамлы бир топлум вар”. Геjд едәк ки, Бакы шәһәр Иҹра Һакимиjjәти (БШИҺ) Милли Шуранын апрелин 5-нә тәjин етдиjи митингинә разылыг вериб. Митинг Бакынын Јасамал раjонунда jерләшән "Мәһсул" стадионунда кечирәҹәк. Бу дәфә аксиjада гиjмәт артымына етираз шүарлары сәсләнәҹәк. Хатырладаг ки, Милли Шуранын сонунҹу митинги бу ил мартын 15-дә кечирилиб.
Диггәт: Хәбәрдән истифадә етдикдә мәнбәjә истинад лазымдыр