Зәриф: Гаршы тәрәфин сиjаси ирадәси һәмишә проблемли олуб

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран Ислам Республикасы хариҹи ишләр назири деjиб: Нүвә мүзакирәләриндә гаршы тәрәфин сиjаси ирадәси һәмишә проблемли олуб
ИРНА-нын мәлуматына ҝөрә, Иран Ислам Республикасы хариҹи ишләр назири Мәһәммәд Ҹавад Зәрииф чәршәнбә ҝүнү, ҝүнортадан сонра Исвечрәнин Лозанна шәһәриндә деjиб: Мүзакирәләрдә ирәлиләjиш сиjси ирадәjә еһтиjаҹлыдыр вә гаршы тәрәф бу мәсәләдә һәмишә проблемә малик олуб.
Мәһәммәд Ҹавад Зәриф чәршәнбә ҝүнү Лозаннада, мүзакирәләрин һәjата кечирилдиjи Беау Риваҝе отелинин һәjәтиндә Иранын нүвә мүзакирә һеjәти илә бирликдә jүрүшә чыхдығы заман ики ихтилафлы мәсәләнин һәлли илә бағлы суалын ҹавабында деjиб: мүзакирәләр, мәсәләләрин деталларына чатдығыны нәзәрә алараг, хеjли чәтинләшиб.
Иран хариҹи ишләр назири мүзакирәләрдә ирәлиләjишин әлдә олунмасына үмидвар олдуғуну билдириб вә деjиб: мүзакирәләр һәлә дә давам едир вә еjни заманда бир нечә һеjәт арасында данышыглар апарылмалыдыр.
Зәриф һазырда мүзакирәләрин jалныз ики һеjәт арасында деjил, бир нечә һеjәт арасында апарылдығыны билдириб вә деjиб: һазырда мүхтәлиф бахышлар вә фикирләр илә мүзакирәләр апарылыр. Буна ҝөрә дә, ишләр бир гәдәр мүрәккәб вә гарышыгдыр. Бу мүрәккәблик һәм Иран илә 5+1 групу арасында һәм дә 5+1 групу үзвләри арасында мөвҹуддур.
Иран хариҹи ишләр назири мүштәрәк бәjанатын jаjылмасы еһтималы барәдә дә деjиб: Мүштәрәк бәjанатла бағлы һәлә гәрар гәбул олунмаjыб. Һәлл jолларынын гәләмә алынмасы истигамәтиндә сәjләр һәjата кечирилиб. Садәҹә буну демәк олар ки, ишин нәтиҹәси мүштәрәк бир бәjанатдан артыг олмаjаҹаг.
Диггәт: Хәбәрдән истифадә етдикдә мәнбәjә истинад лазымдыр