Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран хариҹи ишләр назири деjиб: Иранла Алтылыг Групу арасында нүвә мүзакирәләри барәсиндә jахын даирәләрә истинадла бәjан олунан сөзләрә һеч вахт диггәт jетирилмир.
Сәһәр Беjнәлхалг Телевизиjасынын Фарс Хәбәр Аҝентлиjинә истинадла вердиjи мәлумата ҝөрә, Иран хариҹи ишләр назири Мәһәммәд Ҹавад Зәриф журналистләрә вердиjи ачыгламада мүзакирәләр барәдә гәрбин хәбәр даирәләринин никбинлиjи вә Иранын исә еһтиjатланмасы барәдә деjиб: Мүзакирәләр кәнарында атмосферин jарадылмасы гаршы тәрәфин изләдиjи һәмишәки програмлардандыр.
Иран хариҹи ишләр назири мүзакирәләрин чох чәтин вә мүрәккәб, ҹидди ениш-jохушлара малик олдуғуну бәjан едәрәк деjиб: Бәзи һалларда мүзакирәчи групун дахилиндә гаршы тәрәфлә фикир аjрылыглары вардыр вә бу мәсәлә зиддиjjәтли вә фәргли бахышларын ирәли сүрүлмәсинә сәбәб олур.
Иран вә Алтылыг арасында нүвә мүзакирәләринин jени туру Лозан шәһәриндә өтән чәршәнбә ҝеҹә Иран хариҹи ишләр назири, АБШ дөвләт катиби вә Авропа Бирлиjинин хариҹи сиjасәт мәсәләләри үзрә координаторунун мүавинләринин ҝөрүшү илә башланыб.
Иран вә 5+1 Групунун анлашманы әлдә етмәк үчүн 2015-ҹи ил 31 марта гәдәр вахтлары вардыр.
Диггәт: Хәбәрдән истифадә етдикдә мәнбәjә истинад лазымдыр
27 mart 2015 - 11:45
Xəbər kodu: 679353
Иран хариҹи ишләр назири деjиб: Иранла Алтылыг Групу арасында нүвә мүзакирәләри барәсиндә jахын даирәләрә истинадла бәjан олунан сөзләрә һеч вахт диггәт jетирилмир.
