Иран илә АБШ арасында нүвә данышыглары бу ҝүн Исвечрәдә давам етдирилир

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран илә АБШ арасында нүвә данышыглары бу ҝүн Исвечрәдә давам етдирилир.
Данышыгларда билдирилиб ки, техники мәсәләләр үзрә “үмуми анлашма” әлдә олунуб.
АБШ-ын дөвләт катиби Ҹон Керри вә Иранын хариҹи ишләр назири Мәһәммәд Ҹавад Зәриф бундан әввәл өтән ҝүн Лозанна шәһәриндә ҝөрүшүбләр.
АБШ рәсмиләри мартын 31-дәк сазишин әлдә едилмәсинин мүмкүн олдуғуну, анҹаг геjри-мүәjjәнлиjин галдығыны сөjләjибләр: "Вашингтон вә тәрәфдашлары Иранын уранын зәнҝиләшдирилмәсиндә истифадә етдиjи вә нүвә башлығы үчүн әсас материал олан сентрифугалары азалтмасыны истәjир."
Иран исә никбин давранараг “алтылыг”ла ики илдир нүвә програмынын мәһдудлашдырылмасы вә бунун әвәзиндә санксиjаларын jумшалдылмасы үчүн разылашма әлдә етмәjә чалышыр.
Хатырладаг ки, чәрчивә сазишинин әлдә олунмасы үчүн гоjулан вахт мартын 31-дә баша чатыр.
Диггәт: Хәбәрдән истифадә етдикдә мәнбәjә истинад лазымдыр