Ирагда тоггушмалар заманы 24 террорчу зәрәрсизләшдирилиб

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Ирагда тоггушмалар заманы 24 террорчу зәрәрсизләшдирилиб
Ирагын Әл-Әнбар вә Диjала әjаләтләриндә баш верән силаһлы тоггушмалар нәтиҹәсиндә 25 нәфәр өлүб ки, онлардан да 24-ү "Ираг-Шам Ислам Дөвләти" (ИШИД) террор груплашмасынын үзвүдүр.
Бу барәдә Амирие раjон парлментинин сәдри Шакир Маһмуд әл-Исави мәлумат вериб.
Онун сөзләринә ҝөрә, Әл-Фәллуҹанын Амирие jашаjыш мәнтәгәсиндә орду вә таjфалара мәхсус силаһ дашыjан 10 jүк машыны карванына тәгрибән 50 jараглы һүҹум едиб. Һүҹумун гаршысы алыныб. Нәтиҹәдә 19 ИШИД террорчусу мәһв едилиб, онларын автомобилләри зәрәрсизләшдирилиб.
Әл-Әнбарын полис рәиси Казым Мәһәммәд әл-Фәһдәви мәлумат вериб ки, тәһлүкәсизлик вә таjфалара мәхсус гүввәләр Әр-Рәмадинин Тәмим вә Серамик раjонларында ИШИД террорчуларынын һүҹумларынын гаршысыны алыблар. Нәтиҹәдә 5 террорчу өлдүрүлүб, jараглылар ҝери чәкилибләр.
Бунунла белә, Бакуба шәһәринин Катун раjонунда автомобилә бәркидилмиш минанын партламасы нәтиҹәсиндә 1 нәфәр өлүб, 1 нәфәр jараланыб.
Диггәт: Хәбәрдән истифадә етдикдә мәнбәjә истинад лазымдыр