Америкалы конгресмен: Обама һөкумәтинин хариҹи сиjасәти һәрҹ-мәрҹлик jарадыб

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Америкалы конгресмен: Обама һөкумәтинин хариҹи сиjасәти һәрҹ-мәрҹлик jарадыб
АБШ Конгресинин Нүмаjәндәләр Палатасынын әксәриjjәтдә олан фраксиjасынын рәһбәри деjиб: Обаманын хариҹи сиjасәти дүнjада һәрҹ-мәрҹлиjин jаранмасына сәбәб олуб.
Сәһәр Беjнәлхалг Телевизиjасынын ҸБС телеканалына истинадла вердиjи мәлумата ҝөрә, АБШ Конгресинин Нүмаjәндәләр Палатасынын әксәриjjәтдә олан фраксиjасынын рәһбәри Кевин Маккарти бу телевизиjаjа АБШ Президенти Барак Обаманын хариҹи сиjасәти барәдә мүсаһибә вериб.
Илк өнҹә бу телевизиjанын апарыҹысы деjиб ки, биз ики дәһшәтли террор актына тамаша етдик вә һазырда деjилир ки, ИШИД Америка ордусунун jүз кадрынын шәхси информасиjасыны дәрҹ едиб вә инсанлардан бу һәрбчиләрә һүҹум етмәләри вә jахуд онлара бир формада зәрбә вурмаларыны истәjиб. Ҝөрәсән, бизим һал-һазырда ИШИД-лә мүбаризә үчүн принсипиал стратеҝиjамыз вармы?
Маккарти ҹаваб вериб: Мәним фикримҹә, президент бу саһәдә давамлы шәкилдә jанлышлыға jол вериб. Һазырда бүтүн дүнjада гаршылашдығымыз проблемләр бу һөкумәтин фәалиjjәтләри вә бизим хариҹи сиjасәтимизин истигамәтинин дәjишмәсинә ҝөрәдир. Бу хариҹи сиjасәт дүшмәнләрлә достлуға тәкид едир вә дүнjада һәрҹ-мәрҹлик jарадыб.
Диггәт: Хәбәрдән истифадә етдикдә мәнбәjә истинад лазымдыр