Зәриф вә Керри Лозанда ҝөрүшдү

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран хариҹи ишләр назири вә АБШ дөвләт катибинин ҝөрүшү Лозан шәһәринин Брив отелиндә башланыб
Сәһәр Беjнәлхалг Телевизиjасынын вердиjи мәлумата ҝөрә, өтән ҝөрүшләрдәки кими бу ҝөрүшдә Иран Атом Енержиси Тәшкилатынын сәдри Әли Әкбәр Салеһи, АБШ енерҝетика назири Ернест Муниз, ики өлкә хариҹи сиjасәт идарәси рәһбәрләринин мүавинләри вә експертләр дә иштирак едирләр. Бу ҝөрүшүн иш програмы барәсиндә мәлумат верилмәсә дә, билдирилдиjинә ҝөрә, Зәриф вә Керринин иштиракы илә өтән ҝүнкү техники мүзакирәләр арашдырылаҹаг вә санксиjаларын ләғви барәдә данышыглар апарылаҹаг. Өнҹәдән елан олунан ҝөрүш Ҹон Керринин иҹласа ҝеҹ чатмасына ҝөрә ләғв едилмиш вә бу ҝүн сәһәрә сахланылмышдыр. Мәһәммәд Ҹавад Зәриф бу иҹлас сона чатдыгдан сонра ханым Федерика Моҝерининин дәвәти илә Алманиjа, Инҝилтәрә вә Франса хариҹи ишләр назирләри илә нүвә мүзакирәләринин барәсиндә данышыглар апармаг үчүн бир нечә саатлыға Брүсселә сәфәр едәҹәк. Өтән ҝеҹә техники мүзакирәләр сона чатдыгдан сонра бәзи даирәләр билдирдиләр ки, ики тәрәф техники мәсәләләрдә jени наилиjjәтләри әлдә едибләр. Иранын Атом Енержиси Тәшкилаты сәдринин АБШ-ын енерҝетика назири илә техники нүвә мәсәләләри барәдә данышыглары өтән ҝеҹә Исвечрәнин Лозан шәһәриндә сона чатды. Бу иҹласын әввәлиндә Иран хариҹи ишләр назирини мүавинләри Сеjид Аббас Ирагчы вә Мәҹид Тәхт Рәванчи, АБШ дөвләт катибинин мүавини Венди Шерман вә ики тәрәфин експертләри дә иштирак етдиләр вә Салеһи вә Мунизин икитәрәфли данышыгларындан сонра Ирагчы, Рәванчи вә Шерман вә експертләрин аjры-аjрылыгда иҹласлары кечирилди. Артыг бу үчүнҹү дәфәдир ки, Салеһи вә Муниз нүвә мүзакирәләриндә иштирак едирләр.
Иран хариҹи ишләр назиринин мүавини Сеjид Аббас Ирагчы ИРИБ мүхбири илә мүсаһибәдә деjиб: Биз анлашмаjа бир пакет кими бахырыг. Бу пакетә бүтүн мәсәләләр деталлары илә дахил олмалыдыр.
Ирагчы әлавә едиб: Иран вә 5+1 Групу арасында истәнилән анлашма Тәһлүкәсизлик Шурасы тәрәфиндән тәсдигләнмәлидир. Бу анлашма Тәһлүкәсизлик Шурасы тәрәфиндән тәсдигләндиjи заман, беjнәлхалг һүгуг бахымындан бүтүн дөвләтләр үчүн иҹрасы зәрури һесаб олунаҹаг.
Американын 47 республикачы сенатору ачыг мәктубу имзалаjараг иддиа едибләр ки, еһтимал олунан нүвә анлашмасы jалныз Обаманын президентлиjинин сонуна гәдәр етибарлы олаҹаг. Бу мәктубун jаjымланмасы ардынҹа, мүхтәлиф өлкәләрин бир чох рәсмиси она реаксиjа вериб. Белә ки, һәтта АБШ президенти Барак Обама билдириб ки, Ирана үнванланан нүвә анлашмасы илә әлагәдар мәктубу имзалаjан республикачы сенаторларын һәрәкәтиндән утандым.
Билдирилдиjинә ҝөрә, Лозан шәһәриндә мәсләһәтләшмәләр 20 марта гәдәр давам едәҹәк.
Диггәт: Хәбәрдән истифадә етдикдә мәнбәjә истинад лазымдыр