Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ираг Шиәләриндән ибарәт Сепаһе Бәдр тәшкилаты азғын сәләфи јараглыларына гаршы апарылан әмәлијјатларда актив иштирак едир.
Бәдр тәшкилатынын командир Һади әл Амири дә өз нөвбәсиндә Сәлаһәддин әјаләтинин вәһһаби үнсүрләриндән тәмизләнмәси әмәлијјатында јахындан иштирак едир.
Мәлумата ҝөрә, өтән ҝүн Ираг Силаһлы Гүввәләри Көнүллү Дәстәләрин көмәклији илә, артыг Тәкрит шәһәринин шәргиндә јерләшән Әл Дур Һава Лиманыны тәкфирчиләрин әләиндән азад едибләр. Бу һаггда ачыглама верән Сепаһе Бәдр тәшкилатынын командири Һади Әл Амири вурғулајыб: “Ираг Силаһлы Гүввәләри “ИШИД” јараглыларына гаршы мүбаризәни Ираг сәрһәдләриндән кәнарда да апараҹаглар”.
Гејд едәк ки, Ираг вә Ираг сәрһәдләри хариҹиндә ИШИД-ә гаршы мүбаризә отағынын рәһбәрләри Иран Ислам Республикасынын Ислам Ингилабы Кешикчиләринин - Сепаһын Гүдс Ганадынын Ҝенералы Һаҹ Гасым Сүлејмани, Ирагын Әсаибу Әһлил Һәгг адлы силаһлы дәстәнин командири Гејс Хәз Әли, Ираг Һизбуллаһы Бригадаларынын командири Әбу Мәһдидир.
Диггәт: Хәбәрдән истифадә етдикдә мәнбәјә истинад лазымдыр
