Аjәтуллаһ Нури Һәмәдани:Ҝәнҹләр үчүн шәһадәт мәдәниjjәти ачыгланмалыдыр

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Аjәтуллаһ Нури Һәмәдани:Ҝәнҹләр үчүн шәһадәт мәдәниjjәти ачыгланмалыдыр
Тәглид мәрҹәләриндән олан Аjәтуллаһ Һүсеjн Нури Һәмәдани деjиб: Шәһадәт мәдәниjjәтинин мөвгеjи вә халгын 8 иллик мүгәддәс мүдафиә дөврүндәки иштиракы ҝәнҹләрә ачыгланмалыдыр.
Сәһәр Беjнәлхалг Телевизиjа каналынын вердиjи мәлумата ҝөрә, Тәглид мәрҹәjи Аjәтуллаһ Һүсеjн Нури Һәмәдани бу ҝүн өлкәнин руһани шәһидләр конгресинин мәркәзи комитәсинин үзвләри илә ҝөрүшүндә деjиб: Доғрудур ҹиһад вә шәһадәтин мөвгеjи чох өнәмлидир, анҹаг тәглид мәрҹәләри, дин хадимләри вә халгы ҹәбһәләрә чәкиб апаран сәбәбләр вә ҝүҹ дә арашдырылмалыдыр. Аjәтуллаһ Нури Һәмәдани деjиб: Ҝәнҹләр билмәлидирләр ки, Халг неҹә әли jалын һалда дини рәһбәрә игтида едәрәк тарихи өз ганы илә әбәдиләшдирди. Аjәтуллаһ Нури Һәмәдани деjиб: Халг шәһидләрин вәсиjjәтнамәләриндән аҝаһ олмалыдыр. " Шәһидләр Имам Хомеjни(р.ә), Рәһбәр, Вилаjәт вә Әһли Беjтә(ә) севҝи бәсләмишдиләр вә елә бу севҝи онларын тарихдә әбәдиләшмәләринә вә өзләрини ҹәмиjjәт үчүн нүмунә кими тәгдим етмәләринә сәбәб олду."-деjә Аjәтуллаһ Нури һәмәдани билдириб. Танынмыш тәглид мәрҹәjи деjиб: Шәһидләр бир чох гәһрәманлыг һадисәләри jаратдылар вә һәр бир шәһидин гәһрәманлығы диҝәр шәһиддән фәрглидир, буна ҝөрә дә шәһидләрин гәһрәманлыг һадисәләри арашдырылмалы вә бунун үчүн дә, ән әсасы иҹтимаиjjәтдә ҹиһад вә шәһадәт мәдәниjjәти jашадылмалы вә сәбәбләри дә ачыгланмалыдыр. Аjәтуллаһ Һүсеjн Нури Һәмәдани деjиб: Ингилаб вә Исламы jашадан вә ҹәмиjjәтдә тәһлүкәсизлиjи бәрпа едән шәһадәт мәдәниjjәти иди.
Диггәт: Хәбәрдән истифадә етдикдә мәнбәjә истинад лазымдыр