Бангладеш дөвләти пәнаһ вердији Мјанма Мүсәлманларындан јашајыш дүшәрҝәләрини тәрк етмәкләрини истәјиб

Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Мјанма дөвләтинин вә азғын буддист груплашмалрын ҹинајәтләриндән, сојгырымларындан аманда галмаг мәгсәди илә, мәҹбури сүрәтдә гачгын вәзијјәтинә дүшәрәк Бангладешә пәнаһ ҝәтирән вә Бангладеш һөкүмәти тәрәфиндән гачгынлар үчүн үмуми јашајыш дүшәрҝәләриндә сығынаҹаг тапан Мјанма Мүсәлманлары нөвәти дәфә Бангладешдә сәрҝәрдан вәзијјәтә дүшүбләр.

Белә ки, Бангладеш һөкүмәти гачгынлар дүшәрҝәсинин туризим мәнтәгәсиндә јерләшдијини бәһанә ҝәтирәрәк, Мјанма Мүсәлман гачгынларындан мәнтәгәни тәрк етмәкләрини тәләб едиб.

Верилән мәлуматлара ҝөрә, 37, 000 нәфәр Мјанма Мүсәлман гачгыны Бангладешин Сукес мәнтәгәсиндә јерләшдирилмишдир. Лакин бу ҝүнләрдә Сукес Иҹра Апаратынын катиби билдириб ки, өлкә рәһбәрлији Сукес мәнтәгәсини туризим мәнтәгәси елан едиб.

Гејд едәк ки, 2012-ҹи илин илк ајларындан бу ҝүнә кими Мјанма Мүсәлманларына гарш олунан ҹинајәт гурбанлары һаггда әлдә дәгиг статистика мөвҹуд дејил. Лакин гејри рәсми мәлуматлара ҝөрә, 1000-дән артыг Мүсәлман дөвләт органлары вә буддистләр тәрәфиндән сојгырыма мәруз галараг күтләви бастырылыб, 300,000-дән артыг инсан исә өз јурд-јуваларындан дидәрҝин салынараг гачгын һәјаты сүрмәјә вадар олунуб вә 40 мин Мүсәлман фәалы рәсми дөвләт грумлары тәрәфиндән мүхтәлиф бәһанәләр илә, һәбс едиләрәк зинданлара салыныб...

Хатырладаг ки, Мјанмада тәгрибән 800 мин Мүсәлман јашајыр. Онлар әсасән өлкәнин гәрбиндә јашајырлар.

Мјанманын Милли Бирлик Тәшкилатынын мәлуматына ҝөрә, тәкҹә 2012-ҹи илин мај ајында Мјанманын гәрбиндә ҝедән тоггушмаларда вә евләрин јандырылмасы нәтиҹәсиндә тәгрибән 90 мин Мүсәлман евсиз-ешиксиз галыб.

Иран Ислам Республикасынын Хариҹи Ишләр Назирлијинин сөзчүсү Мјанма һадисәләринә реаксија олараг, Мјанма һөкумәтинин, бејнәлхалг даирәләрин вә Ислам Әмәкдашлыглары Тәшкилатынын дәрһал ҹидди тәдбирләр ҝөрмәләрини истәјиб.

Ислам Әмәкдашлығы Тәшкилатынын баш катиби Әкмәләддин Еһсаноғлу 2013-ҹү илдә дејиб: Өтән 30 илдә Руһинга мүсәлманлары Мјанмада инсан һагларынын кобуд формада позулмасы, ирги тәмизләмә, сојгырымы, тәҹавүз вә мәҹбури мүһаҹирәт кими ҹидди проблемләрлә үз-үзәдир.



Диггәт: Хәбәрдән истифадә етдикдә мәнбәјә истинад лазымдыр