Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Һәмас тәшкилатынын лидерләриндән бири Шејх Сами әл Һимсин машыны өтән ҝүн, Гәззә Золағынын мәркәзиндә јерләшән әл Нәсријјат гачгынлар дүшәрҝәсиндә, Шүһәда Мәсҹиди јахынлығында партладылыб.
Һал шаһидләринин вердикләри илкин мәлуматлара ҝөрә, Сами әл Һимсин машынынын алт һиссәсиндә јерләшдирилмиш бомба партлајараг јахынлыгдакы јашајыш мәнзилләринә күли мигдарда мадди хәсарәт јетириб.
Һадисә заманы ҹанлы тәләфат баш вермәјиб вә һеч ким хәсарәт алмајыб. Тәһлүкәсизлик грумларынын билдирдијинә ҝөрә исә, силаһлы гулдурлар Сами әл Һимсин машынына бомба гурғсу јерләшдирмәклә Шејх Самини һәдәфә алмышлар.
Гејд едәк ки, Шејх Сами әл Һимсинин машыны еви гаршысында парк едилибмиш. Илкин версијалара ҝөрә, һадисә сионист режиминә бағлы ИШИД террор груплашмасы тәрәфиндән төрәдилиб.
Диггәт: Хәбәрдән истифадә етдикдә мәнбәјә истинад лазымдыр
