Шимали Кореjа АБШ-а ултиматум верди

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Шимали Кореjа АБШ-а ултиматум верди
Шимали Кореjанын дөвләт мүдафиә комитәси нүвә мүһарибәси дә дахил олмагла бүтүн нөв мүһарибәләрдә АБШ-ла гаршыдурмаjа гадир олдугларыны бәjан едиб.    
Шимали Кореjа “АБШ Президенти Барак Обама администрасиjасынын сәрт дүшмәнчилик һәрәкәтләринә ҹаваб олараг” ән гәтиjjәтли әкс-тәдбирләр ҝөрмәк ниjjәтиндә олдуғуну билдириб.
Дөвләт мүдафиә комитәсинин бәjанатында “республиканын идеолоҝиjасыны тапдаламаға вә онун сосиоложи гурулушуну девирмәjә чалышан” АБШ-ла данышыглар масасына отурмаг үчүн артыг лүзум олмадығы да геjд едилир.
Комитә Кореjанын АБШ-ла мүнагишәдә компакт, jүксәк дәгиглиjә малик нүвә силаһы, гуру, дәниз, суалты, һава гошунлары вә кибернет һәрби васитәләрини мүвәффәгиjjәтлә тәтбиг едә биләҹәjи фикриндәдир.
Бундан башга Ким Чен Ынын рәһбәрлик етдиjи комитәнин бәjанатында “Кореjа халг ордусунун чучхеj стратеҝиjа вә тактикасындан, һәмчинин тарихдә преседенти олмаjан һәрби әмәлиjjатлар методунун тәтбигиндән истифадә едәҹәjини” вурғуланыр.
Аналитикләр Пхенjанын белә сәрт бәjанаты АБШ Президенти Барак Обаманын Шимали Кореjаjа гаршы jени санксиjаларын тәтбиг едилмәси гәрарындан, һәмчинин Америка сиjаси вә һәрби рәһбәрлиjинин өлкәнин блокадасыны ҝүҹләндирмәк чағырышларындан һиддәтләнәрәк вердиjини дүшүнүрләр.
Диггәт: Хәбәрдән истифадә етдикдә мәнбәjә истинад лазымдыр