Чәршәнбә ахшамы 2 Сәудиjjә вә 1 Пакистан вәтәндашы едам едилиб.

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Чәршәнбә ахшамы 2 Сәудиjjә вә 1 Пакистан вәтәндашы едам едилиб.

Сәудиjjә Әрәбистанынын jени кралы Салман өтән ҹүмә ҝүнү тахта чыхандан индиjә кими 4 нәфәр һаггында чыхарылмыш өлүм һөкмү иҹра олунуб.
Ләтиф Хан Нурзадә Пакистан вәтәндашы иди. О, Сәудиjjә Краллығына ҝизли jолла һероин ҝәтирмәкдә мүгәссир билиниб. О, мүгәддәс шәһәр олан Мәккәдә едам едилиб. Сәудиjjә Әрәбистанынын дахили ишләр назиринин бәjанатында бу барәдә мәлумат верилиб.
Едам олунан икинҹи шәхс Өмәр бин Јәһjа бин Ибраһим әл Баркати исә jахын гоһуму илә ҹинси әлагәдә олдуғуна ҝөрә өлүмә мәһкум едилиб. Дахили ишләр назири онун едамы илә бағлы белә деjиб: “Биз ону асдыг ки, башгаларына jахшыҹа дәрс олсун”.
Едам олунмуш үчүнҹү шәхс исә Јасир бин Һүсеjн әл Һәмзәдир. О, уjушдуруҹу һәбләрин гачаг jолла өлкәjә ҝәтирилмәсиндә мүгәссир билиниб.
Аҝентлик геjд едир ки, сон едамлары да нәзәрә алсаг, бу илин әввәлиндән Сәудиjjәдә артыг 16 нәфәр ән ағыр ҹәзаjа чатыб.
О да билдирилир ки, 2010-ҹу илдә Сәудиjjәдә ҹәми 27 нәфәр едам едилмишди. Мәрһум крал Абдуллаһын дөнәминдә исә бу ҝөстәриҹи хеjли чохалды. Иллик едамлар 80 нәфәрә чатды, өтән ил исә 87 нәфәр едам едилди.
Аҝентлиjин мәлуматына ҝөрә, Сәудиjjә Әрәбистаны едам һөкмләринә ҝөрә инсан һүгуглары илә мәшғул олан беjнәлхалг тәшкилатлар тәрәфиндән мүтамади тәнгид олунур. Инсан һагларыны позан өлкәләр сырасында Сәудиjjә Әрәбистаны өндә ҝәлир.
Диггәт: Хәбәрдән истифадә етдикдә мәнбәjә истинад лазымдыр