Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Ран Пал мүәссисәси jазыр: Вашингтонун рәфтарларынын ИШИД-и даһа да ҝүҹләндирдиjи бир шәраитдә, АБШ-ын ИШИД илә савашдығына неҹә инана биләрик?
Бу интернет порталы “Даниел Макадамз” тәрәфиндән гәләмә алынмыш бир тәһлилдә jазыр: Өтән сентjабр аjында Америка Суриjа әразисиндә ИШИД-дән даһа тәһлүкәли олан “Хорасан Групу” адлы террорчу груплашманын фәалиjjәт ҝөстәрмәсини бәһанә едәрәк, Суриjа дөвләтиндән иҹазә алмамыш бу өлкә әразисини бомбардман етди.
Америка бу һәрәкәти илә өз ганунлары вә беjнәлхалг ганунлары позмуш олду. Амма, даһа сонра аjдын олду ки, “Хорасан Групу” әл-Гаидә террор шәбәкәсинә бағлы бир групдур вә садәҹә jени ад алтында әтрафа дәһшәт сачмаға башлаjыб.
Ран Пал мүәссисәсинин jаздығына ҝөрә, jени тәһдид Пентагонун Суриjаны бомбаламасы үчүн даһа ҝөзәл бир пакетдә тәгдим едилән jалан бир тәблиғатдан башга бир шеj деjилди вә садәҹә Америкаjа Суриjаны бомбаламасы үчүн лазым олан бәһанәни вермиш олурду.
Америка ИШИД вә онун дүшмәнләри илә мүхалифдир. Чохлары белә бир зиддиjjәтин олмасындан тәәҹҹүб ичиндәдир. Мәҝәр белә бир парадокс мүмкүндүрмү? Бомбардманлар давам едир. Ираг вә Суриjада сивил инсанлар АБШ вә НАТО-нун бомбаларындан өлүрләр. Неҹә ки, jанвар аjынын әввәлләриндә 50 сивил бу бомбардманлар нәтиҹәсиндә һәjатыны итирди. Пентагон бу һүҹум барәсиндә һеч бир мәлумат вермәмишди вә садәҹә медиалар онун ифша етмишдиләр. Бу фаҹиәләрин өрт-басдыр едилмәси шүбһәлидир.
АБШ Ираг вә Суриjаjа 5 миндән чох бомба атыб вә бунун малиjә дәjәри 1 милjард доллардан чохдур. Амма, ИШИД jараглылары һәлә дә ирәлиләмәкдәдирләр. Даһа сонра, бу һәфтә “маска” тамамилә jыртылды вә һәгигәт үзә чыхды. Аjдын олду ки, садәҹә Суриjа мәсәләси ҝүндәмдә имиш, Ираг jох.
Ран Пал мүәссисәси сонда jазыр: Бизә белә бир jалан әгидә сырынмагдадыр ки, биз орада террорчуларла савашырыг ки, террорчулар бизим өлкәмизә ҝәлмәсинләр. Амма, биз бир даһа баша дүшдүк ки, онлар бура ҝәлирләр. Чүнки, биз онларын өлкәләриндә инсанлары минләрлә нәфәрлик дәстәләр формасында гырғын едирик. Истәр бирбаша, истәр долаjысы jолла. Әҝәр мүдахиләчиләрин өнүнү кәсмәсәк, онлар бизим һамымызы өлүмә верәҹәкләр.
Диггәт: Хәбәрдән истифадә етдикдә мәнбәjә истинад лазымдыр
19 yanvar 2015 - 15:32
Xəbər kodu: 665774
Ран Пал мүәссисәси jазыр: Вашингтонун рәфтарларынын ИШИД-и даһа да ҝүҹләндирдиjи бир шәраитдә, АБШ-ын ИШИД илә савашдығына неҹә инана биләрик?
