ИШИД әсирлиjиндән гачан гадын: "Онлар һамилә гадынларын…"

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, ИШИД-ә әсир дүшән Һамше адлы jезиди гадын әсирликдә олдуғу мүддәтдә башына ҝәлән мүсибәтдән данышыб
Језиди гадын террор тәшкилатынын jараланан дөjүшчүләринә ган вермәjә мәҹбур едилдикләрини ачыглаjыб:
"Әсирләрдән гул кими истифадә едирләр. Јараланан дөjүшчү оланда сағламлығымыза бахмаjараг, ганымызы алырдылар. Елә вахтлар олурду ки, ҝүнләрлә ган верирдик. Тәкҹә бизим ганымызы алмырдылар. Орада һамилә гадынлар вар иди. Онларын да ганындан jаралы дөjүшчүләр үчүн истифадә олунурду".
Әсирликдә олдуғу мүддәтдә ҹинси истисмара мәруз галдығыны деjән Һамше гул кими бир әрәбә сатылыб:
"Базарда онлар гадынлары сатанда бири дә мәни алды. Евинә апарыб отагда килидләди. “Әҝәр мәнимлә евләнмәсән, сәнә jемәк, су вермәjәҹәjәм” деди".
Террорчуларын әлиндән гачмағын геjри-мүмкүн олдуғуну деjән jезиди гадын көрпәси илә гачмағыны мөҹүзә адландырыб:
"Бир ахшам ушағым сусузлугдан ағлаjырды. Гапыны дөjдүм вә кәнарда олан бүтүн гаровулчуларын jатдығыны ҝөрдүм. Бир шүшә су ҝөтүрүб көрпәмлә гачдым. Һәлә дә буна инана билмирәм”.
Билдирәк ки, jезиди гадын террорчуларын арасындан гачараг өзүнү пешмәрҝә гүввәләринә jетирә билиб. Бундан сонра Һамше аиләсинә тәһвил верилиб
Диггәт: Хәбәрдән истифадә етдикдә мәнбәjә истинад лазымдыр