Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Әл Гаидә бејнәлхалг террор тәшкилатынын Сурија ганады олан Нусра Ҹәбһәси адлы јараглы груплашманын Суријанын Һәләб рајонундакы Нубул вә Әл Зәһра шәһәрләринә һүҹуму уғурсузлуға уғрады.
Ҝедән ағыр дөјүш заманы Сурија Милли Ордусу јерли Көнүллү Дәстәләрдән ибарәт бригаданын көмәклији илә, 80 сәләфи террорчуну дармадағын едәрәк, Нүсрә Ҹәбһәси террорчуларына аид 3 зиреһли танкы мәһв етмиш вә 2 танк олмагла јараглылара мәхсус даһа 4 машыны гәнимәт олараг әлә кечиртмишдир.
Һабелә Нүсрә Ҹәбһәсинә аид бир нечә интиһарчы әмәлијјатларына башламамышдан өнҹә Сурија Ордусу тәрәфиндән мәһв едилмиш вә онларла јараглы исә әсир ҝөтүрүлмүшдүр.
Гејд едәк ки, Нубул вә Әл Зәһра шәһәрләри Сурија Шиәләринин компакт јашадыглары шәһәрләрдир. Бу ики шәһәр Түркијәнин 30 км, Һәләб шәһәринин исә, 20 км-дә јерләшир. Нубул вә Әл Зәһра шәһәрләри 2 ил 6 ајдан артыгдыр ки, азғын тәкфирчи үнсүрләрин мүһасирәсиндәдир. Һал- һазырда һәр ики шәһәрдә 60 миндән артыг инсан јашајыр.
Диггәт: Хәбәрдән истифадә етдикдә мәнбәјә истинад лазымдыр
