Моһәммәд Рәсулаллаһ(с.ә.с.) маневри Иран президентинин иштиракы илә баша чатыб

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Моһәммәд Рәсулаллаһ(с.ә.с.) маневри Иран президентинин иштиракы илә баша чатыб
Иран Ислам Республикасы ордусунун Муһәммәд Рәсулаллаһ(с.ә.с.) ады алтында кечирилән бөjүк маневри Иран президенти вә jүксәк рүтбәли команданларынын иштиракы илә дәниз парады илә алты ҝүн Оман дәнизиндә кечириләндән сонра баша чатыб.
Дахил олан мәлумата ҝөрә, бөjүк Муһәммәд Рәсулаллаһ(с.ә.с.) маневри Иран ордусу вә силаһлы гүввәләри үчүн мүһүм наилиjjәтләр вә дәjәрли нәтиҹәләрә чатмаг вә нәзәрдә тутулан һәдәфләрин реаллашмасы илә Иран Ислам Республикасы ордусунун дәниз, гуру, һава вә һава һүҹумундан мүдафиә гүввәләринин аһәнҝдарлығы вә jорулмаз сәjләри илә бир һәфтәдән сонра бу ҝүн сәһәр ишини баша вуруб.
Иран Ислам Республикасы ордусунун дәниз гүввәләри мүнтәзәм тактики дүзүлүшлә әзәмәтли дәниз парады кечирәрәк, өзләринин дәниз гүдрәти вә дөjүш һазырлыгларыны нүмаjиш етдирибләр. Бу парадда халг гүввәләри формасында чохлу саjда jерли гаjыг, мүхтәлиф һава-дәниз вә учуш бөлмәләринин суалты гаjыглары, 100-дән jухары ракетатан, сәтһ-һүҹум вә саир типли гаjыгдан истифадә олунуб.
Дәниз гүввәләринин һәрби гаjыглары ҝәнҹ команданларын дәгиг програмлашдырмалары вә истигамәтләндирмәләри илә мүхтәлиф мәнтәгәләр вә Оман дәнизи вә Һинд Океаны үзрә ҝениш бир әразидән минләрлә мил мәсафәни кечәрәк, бу әзәмәтли парадда иштирак едибләр.
Мүгәддәс Иран Ислам Республикасы гурулушунун реҝионал тәһлүкәсизлик вә давамлы сабитлик үчүн реҝион өлкәләри илә сүлһ вә достлуг мүраҹиәтләринин елан олунмасы, партизан дөjүшләри вә бөһранлы шәраитдә орду бөлмәләринин дөjүш һазырлыгларынын ҝүҹләндирилмәси, jүксәк рүтбәли һакимләр тәрәфиндән маневрдә иштирак едән гүввәләрин фәалиjjәтләринин дәjәрләндирилмәси, өлкәнин мүдафиә сәнаjесинин дахили вә jерли наилиjjәтләриндән истифадә вә онларын әмәлиjjат гүдрәтинин дәjәрләндирилмәси, ҝәнҹ вә тәҹрүбәли забитләр арасында тәҹрүбәләрин мүбадиләси, мүштәрәк тактики әмәлиjjат вә тактикаларын мәшг едилмәси, команданлыг бирлиjи вә аһәнҝдарлығы бу маневрин мүһүм наилиjjәтләриндән олуб.
Диггәт: Хәбәрдән истифадә етдикдә мәнбәjә истинад лазымдыр