Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Пеjғәмбәрин (с) вәфаты, имам Һәсәнин (ә) шәһадәт ҝүнүдүр
Мәһәммәд пеjғәмбәр (с) өмрүнүн баша чатмаг үзрә олдуғуну билир вә бу барәдә мүсәлманлары дөнә-дөнә хәбәрдар едирди. Пеjғәмбәрин мәгсәди бу иди ки, онун өлүмү үммәти гәфил һагламасын. Вида һәҹҹи заманы назил олмуш "Маидә" сурәсинин 67-ҹи аjәси ("Ја Пеjғәмбәр! Рәббин тәрәфиндән сәнә назил едиләни (Гураны) тәблиғ ет. Әҝәр (буну) етмәсән, (Аллаһын) рисаләтини (сәнә һәвалә едилән елчилик, пеjғәмбәрлик вәзифәсини) jеринә jетирмиш олмазсан. Аллаһ сәни инсанлардан горуjаҹаг. Һәгигәтән, Аллаһ кафир ҹамааты дүз jола jөнәлтмәз!") артыг о һәзрәтин пеjғәмбәрлик миссиjасынын баша чатмаг үзрә олдуғуну хәбәр верирди. Вәфатындан тәгрибән 80 ҝүн әввәл, вида һәҹҹи заманы, Гәдир-Хум вадисиндә 100 мин мүсәлманын гаршысында Пеjғәмбәр (с) тезликлә вәфат едәҹәjини сөjләди вә ән мүһүм вәсиjjәтини хатырлатды: "Сизә ики ағыр әманәти мирас гоjурам: Гуран вә Әһли-беjт". Мәһәммәд Пеjғәмбәр (с) һиҹрәтин 11-ҹи или сәфәр аjынын 28-дә, базар ертәси ҝүнорта вахты дүнjасыны дәjишиб.
Пеjғәмбәримизин (с) севимли нәвәси, Имам Әлинин (ә) вә Пеjғәмбәрин гызы Фатимәнин (с.ә) бөjүк оғлу, мүсәлманларын 2-ҹи имамы Һәсән (ә) һиҹри 50-ҹи илдә, Мүавиjәнин тәһрики илә һәjат jолдашы Ҹүдә тәрәфиндән зәһәрләнәрәк шәһадәтә jетишиб.
Рәсул Әкрәмин (с) вахтсыз вәфаты вә өвлады Имам Һәсән Мүҹтәбанын (ә) шәһадәти мүнасибәтилә башда Имам Заман Ағаjа (ә.ф) сонра бүтүн мүсәлманлара дәрин һүзнлә баш сағлығы веририк.
Диггәт: Хәбәрдән истифадә етдикдә мәнбәjә истинад лазымдыр
