Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ирагын Баш Назири Һејдәр Ибади Имам Һүсејнин (әлејһи сәлам) Әрбәин мәрасиминин тәһлүкәсизлијини тәмин етмәк нәгсәди илә ҝөрүлән ишләрлә јахындан таныш олмаг үчүн өтән ҝеҹә Кәрбәла әјаләтинә дахил олуб.
Һөрмәтли Баш Назир илк өнҹә Имам Һүсејнин (әлејһи сәлам) пак һәрәмин зијарәт едиб.
Даһа сонра Имам Һүсејнин (әлејһи сәлам) һәрәминин мүдири Шејх Әбдүл Мәһди Кәрбәлаи вә Ајәтуллаһ Систанинин нүмајәндәси илә, ҝөрүш кечирән Һејдәр Ибади ҹәнаблары Әрбәин зијарәтчиләрини вә әзадарлыг һејәтләрини гаршылајан чадырлара бахыш кечириб.
Ираг Дахили Ишләр Назири Муһәммәд Салим Ғәбан, Кәрбәла әјаләтинин Иҹра Һакими, Кәрбәла әјаләтинин Шура сәдри вә тәһлүкәсизлик гүввәләринин бир нечә забитләри илә кечирилән ҝөрүшдә Ираб Баш Назири Кәрбәла әјаләтинин Әрбәин ҝүнләриндә тәһлүкәсизлијинин горунмасы үчүн вәтәндашлар вә үмум зәвварларын Ираг Тәһлүкәсизлик Гүввәләри илә јахындан әмәкдашлыг етмәкләринин зәрурилијини вурғулајыб.
Ираг Баш Назири Һејдәр Ибади ҹәнаблары тәшкил олунан медиа конфрансында билдириб: “Ираг Силаһлы Гүввәләри хариҹи амилләрин дәстәк вердикләри террорчу груплашмалара гаршы өлкәнин мүхтәлиф бөлҝәләриндә ҝениш әмәлијјатлар апарырлар. Вәтәндашларын вә хариҹи зәвварларын тәһлүкәсизлијини тәмин едиб онлары горумаг бизим вәзифәмиздир. Буна ҝөрә дә, Ираг Тәһлүкәсизлик Гүввәләри зәвварларын ҹанларыны горумаг үчүн, шәһәрин бүтүн ҝириш вә чыхыш нөгтәләринә там нәзарәт етмәк илә, ағыр мәсулијјәт дашыјыдыгларыны билмәлидирләр...”
Диггәт: Хәбәрдән истифадә етдикдә мәнбәјә истинад лазымдыр
