Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Иран Ислам Республикасынын Мүгәддәс Гум шәһәриндә, Имам Мусаи Казым (әлејһи сәлам) адына Елми Һөвзәсиндә, Ајәтуллаһ Ҹәфәр Сүбһани вә Мәкарим Ширази һәзрәтләри тәрәфиндән кечирилән “Тәкфирчи вә Екстремист Ҹәрәјанлар Ислам Алимләри Бахышында” үмумдүнја конгресиндә чыхыш едән Јәмән Шафеи мәзһәбинин Мүфтиси Шејх Сүһејл Ибраһим Гурани Кәримә истинад едәрәк бүтүн Мүсәлманлары бир-бириләри илә сүлһамиз һәјат тәрзи сүрмәјә дәвәт едиб.
Шејх Сүһејл дејиб: “Гуран Кәрим ајәләри Мүсәлманлары диҝәр сәмави динләрин ардыҹыллары илә сүлһамиз һәјат тәрзи сүрмәјә дәвәт едир. Демәли белә олан тәгдирдә Мүсәлманларын бир-бириләри илә, динҹ һәјат тәрзи сүрмәләри вә бир-бирини тәкфир етмәкдән чәкинмәләри даһа да ваҹибдир”.
О, Ислам өлкәләринин екстримист ҹәрјанлара јардым етмәкдән чәкинмәкләринин зәруријјәтлијини вурғулајараг билдириб: “Ислам өлкәләринин (хүсуси илә дә Сәудијјә Әрәбистанын) сәрвәтләри тәкфирчи ҹәрәјанлара тәзриг едилмәкдән исә, халгын ихтијарында гојулмалыдыр”.
Шафеи мәзһәбинин Мүфтиси даһа сонра медианын ролуна ишарә едәрәк дејиб: “Ислам өлкәләриндә фәалијјәт ҝөстәрән тәфригәчи медиаларын гаршысы алынмалы, тәкфирчиләрин ҹинајәтләри исә, ҝениш сүрәтдә тәблиғ олунмалыдыр”.
Диггәт: Хәбәрдән истифадә етдикдә мәнбәјә истинад лазымдыр
