Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Иран Ислам Республикасынын Тәһлүкәсизлик Назири- Еттелаат Һөҹҹәтүл Ислам вәл Мүслимин Сејјид Мәһмуд Әләви өтән ҝүн Һәмәдан әјаләтинин Идарәчилик Шурасынын јығынҹағында билдириб: “Муһәррәм ајы илә әлагәдар кечирилән әзадарлыг мәрасимләриндә бир груп үнсүр Гум шәһәриндә бомба гурғусуну ишә салыб партлатмагла террор актыны һәјата кечиртмәк нијјәтиндә олублар, лакин әмәкдашларымызын габагҹадан апардыглары анти-террор әмлијјатлары нәтиҹәсиндә хәтәр зәрәрсизләшдирилиб.”
Сејјид Мәһмуд Әләви даһа сонра билдириб: “Тәһлүкәсизлик Назирлијин әмәкдашлары тәрәфиндән гејд олунан чиркин програмын бүтүн амилләри вахтында вә һәр һансы бир аддым атмамышдан өнҹә јахаланараг һәбс едилибләр.”
Иран Ислам Республикасынын Тәһлүкәсизлик Назири- Еттелаат дүшмәнин Ислам Гурлушу вә Иран халгы әлејһинә вахташыры белә бир чиркин планларын һәјата кечиртмәк сөвдасында олдуғуна вә Ислам Һөкүмәтинин Тәһлүкәсизлик әмәкдашлары тәрәфиндән вахтында зәрәрсизләшдирлидијинә ишарә едәрәк билдириб: “Дүшмән гүввәләри бу илки Бејнәлхалг Гүдс Ҝүнүндә дә өлкәнин бир нечә әјаләтин мәркәзиндә бомба кәмәри бағлајараг интиһар етмәк нијјәтиндә олуб, лакин әмәкдашларымыз онлары вахтында мүәјјәнләшдирәрәк зәрәрсизләшдирә билилбләр.”
Әләви ҹәнаблары даһа сонра билдириб: “Дүшмәнин һәр бир аддымы Тәһлүкәсизлик Назирлијин ити ҝөзләриндән һеч вахт јајынмајыр вә даим онлара нәзарәт едирик.”
Диггәт: Хәбәрдән истифадә етдикдә мәнбәјә истинад лазымдыр
