Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Азәрбајҹандан Суријаја јараглы дәстәләрә гошулмаг вә аиләсини јараглыларын ихтијарында гојмаг мәасәдилә илә, гачмаг истәјән шәхс тутулуб.
Дахили Ишләр Назирлијинин сајтынын вердији мәлумата ҝөрә, Шәки рајон сакини Самир Абдуррәһманов 11 мин манат пул илә, һәјат јолдашы Ҝүнеллә бирҝә Суријадакы террорчу груплара гошулмаг нијјәти илә өлкәни тәрк етмәк истәјәркән рајон Полис Шөбәсинин әмәкдашлары тәрәфиндән сахланылыб.
Самир Абдуррәһманов евинә бахыш заманы тәблиғи вә јајылмасы ганунла гадаған едилмиш 12 әдәд дини мәзмунлу китаб, 9 әдәд диск вә диҝәр мадди сүбутлар ашкар едиләрәк ҝөтүрүлүб.
Фактла бағлы Шәки ШРПШ-дә Ҹинајәт Мәҹәлләсинин 178.3.2-ҹи (дәләдузлуг) маддәси илә ҹинајәт иши галдырылыб.
Самир Абдуррәһманов барәсиндә мәһкәмәнин гәрары илә һәбс-гәтимкан тәдбири сечилиб.
ПС: Хатырладаг ки, 25 Октјабр, 2014-ҹү илдә Азәрбајҹан Республикасынын Президенти јанында Дөвләт Идарәчилик Академијасынын (ДИА) 15 иллик јубилеји мүнасибәтилә академијанын елми шурасынын иҹласы кечирилиб. Иҹласда Азәрбајҹан президентинин иҹра апаратынын рәһбәри Рамиз Меһдијев Азәрбајҹанда “зијалы” анлајышынын неҹә деградасијаја уғрамасынын вә бир зијалынын (мисал олараг Доктор Мөвсүм Сәмәдов) өлкәдәки проблемләри дилә ҝәтирсә, дәрһал “арзуолунмаз шәхс” елан едиләрәк һакимијјәтин дүшмәнинә чеврилдији мәсәлә үзәриндән ваз кечәрәк Диндар тәбәгәјә- Шиәләрә һүҹум чәкәрәк Мәсҹидләрин дағыдылмасы, Һиҹабын гадаған олунмасы мәсәләсинин мәһз онун тәрәфиндән олдуғуну дејәрәк бир даһа Азәрбајҹанда сијасәтләрин дөвләт сәвијјәсиндә Шиәләрә гаршы јөнәлдијинә етираф едиб.
Гејд едәк ки, Р. Меһдијевин бу чыхышы Мөвсүм Сәмәдов, Сејјид Фәрамиз, Абҝүл Сүлејманов вә с. диндарларын һәбсләринин сијаси мотив дашыдығыны бир даһа исбатлајыр.
Диггәт: Хәбәрдән истифадә етдикдә мәнбәјә истинад лазымдыр
