Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ирагын шимал әјаләти олан Кәркүк шәһәринин күчә вә хијабанларында санҹылмыш Имам Һүсејнин (әлејһи сәлам) бајраг вә Әләмләри гондарма ИШИД террорчу үнсүрләрә бағлы јараглылар үчүн бөјүк проблемлә чеврилиб.
Кәркүк шәһәринин Әһли Бејт (әлејһим сәлам) адына Һүсејнијјәнин Ҹамаат намазларына рәһбәрлик едәни вә хәтиби Шејх Әли Бәјат Имам Һүсејн бајрагларынын ҝөјә уҹалдылмасы мәрасиминин кәнарында әл-Аләм ТВ канлынын мүхбиринә билдириб: “Кичик Ираг адланан Кәркүк вилајәти Имам Һүсејн (әлејһи сәлам) ардыҹылдыр.”
Мәрасим иштиракчылары вурғулајыблар ки, Имам Һүсејн (әлејһи сәлам) мүәјјән бир тајфаја, јахуд мәзһәбә хас дејил. Имам Һүсејн (әлејһи сәлам) бүтүн динләр, мәзһәбләр вә тајфалар јанында Инсан Кәрамәтинин вә Азадлығынын нүмунәсидир.
Мәрасим иштиракчылары һабелә Имам Һүсејнин (әлејһи сәәлам) јолуну давам етдирмәкдә исрарлы олдугларына вә һәмчинин јараглы груплашмалара гаршы мүбаризәдә даһа да ҹидди олдугларыны билдирибләр.
Ираг Парламентиндә Кәркүкләрин Әһли Тәсәнүн нүмајәндәси Һәсән Туран Имам Һүсејн мәҹлисинин әзадарлары илә бир араја ҝәләрәк дејиб: “Имам Һүсејн бүтүн инсанларын Имамыдыр. Әһли Тәсәннүн ҹамааты да өтән илләрдә олдуғу кими Имам Һүсејнин бајрагларынын ҝөјә уҹалдылмасы мәрасиминдә јахындан иштирак едиб. ИншаАллаһ ҝәләҹәк илләрдә дә, даһа актив иштирак едәҹәк.”
Гејд едәк ки, Кәркүк шәһәриндә Әрәб, Түркмән (Азәри), Күрд вә Ирагын мүхтәлиф миллијјәтләри јашајырлар. Амма бунунла белә, Имам Һүсејн (әлејһи сәлам) бајраглары бүтүн мәнтәгәләрдә һеч бир ајрысечкилијә јол верилмәдән пајланылыб.
Диггәт: Хәбәрдән истифадә етдикдә мәнбәјә истинад лазымдыр
