Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Азәрбајҹан Ислам Партијасынын сәдри Һаҹы Мөвсүм Сәмәдов нөвбәти дәфә ҹәза камерасына салыныб. Бу барәдә АзадХебер.аз-а руһанинин јахынлары мәлумат вериб.
Хатырладаг ки, бир мүддәт өнҹә мүбариз руһани сахланылдығы Пенитенсиар Хидмәтин 11 сајлы Ҹәзачәкмә Мүәссисәсиндә баш верән негатив һаллары мәтбуата чыхардығына вә орада ҹәза чәкән мәһбуслар арасында әхлаги дәјәләри тәблиғ етмәсинә ҝөрә 12 сајлы ҸЧМ-нә көчүрүлмүшдү. Бурада исә һәбсхана рәһбәрлији тәрәфиндән ики дәфә ардыҹыл олараг “карс”а салынмышды. Бу дәфә ки, карс ҹәзасы исә артыг үчүнҹүдүр.
Ону да гејд едәк ки, ики ҝүн бундан өнҹә 12 сајлы ҸЧМ-нин рәһбәрлијинин тәгдиматына әсасында мәһкәмә Мөвсүм Сәмәдовун Гобустан гапалы режимли һәбсханасына көчүрүлмәси барәдә гәрар чыхарыб.
Өлкә руһаниләри вә инанҹлы кәсим Мөвсүм Сәмәдов гаршы атылан бу аддымлары сијаси сифариш һесаб едир.
Диггәт: Хәбәрдән истифадә етдикдә мәнбәјә истинад лазымдыр
