Әһли Бејт (әлејһимус сәлам) -АБНА- Хәбәр Аҝентлији- Әрзаг алыш-веришиндән сонра евә ҝәлән кими алынмыш гида мәһсулларыны тез-тәләсик сојудуҹуда јерләшдирмәк әксәр инсанларда вәрдиш һалына чеврилиб. Бу һал бина евләриндә јашајан, мәнзилләриндә әрзагларын сахланылмасы үчүн шәраити олмајан инсанларда даһа чох мүшаһидә олунур. Бу вәрдишин анлашылан тәрәфи ондан ибарәтдир ки, алынмыш әрзаглар хараб олуб кејфијјәтини итирмәсин. Анҹаг бу мәсәләнин јанлыш бир тәрәфи дә вар. Чүнки бәзи гида мәһсуллары вар ки, мәһз онлары сојудуҹуда сахладыгда өз кејфијјәтини итирир.
Зејтун јағы сојудуҹуда сахланылдыгда онун дибиндә ағ чөкүнтүләр әмәлә ҝәлир, гатылашыр вә сојуг температурда јағын фајдалаы кејфијјәтләри азалыр. Әҝәр истифадә етдијиниз зејтун јағынын кејфијјәтли галмасыны вә хараб олмамасыны истәјирсинизсә ону мәтбәхдә сәрин бир јердә сахламағыныз да кифајәтдир.
Балы сојудуҹуда сахламаг дүзҝүн дејил. Бал ашағы температурда кристаллашмагла јанашы бир чох кејфијјәтләрини дә итирир. Диҝәр бир тәрәфдән бал сојудуҹуда сахланылдыгда онун дады да дәјишир.
Сармысаг сојудуҹуда сахланылдыгда онун тәркиби дәјишир, ҹүҹәрир вә истифадәси заманы фајдалары дүшүндүјүмүздән гат-гат аз олур. Сармысағы хараб олмамаг үчүн отаг температурунда да сахламаг јетәрлидир.
Шоколад сојудуҹуда сахланылдыгда онун үзәриндә ағ сәтһ јараныр. Узун мүддәт ашағы температурда галдыгда һәмин ағ сәтһ кифә чевирилир. Белән олан һалда исә шоколад һәм кејфијјәтини, һәм дә дадыны итирир.
Помидор истини севән тәрәвәздир. Сыфыр дәрәҹәјә јахын температурда о дадыны дәјишир, тәркибиндәки маддәләрин бир чоху өз фајдалы хүсусијјәтләрини итирир. Буна ҝөрә дә помидору сојудуҹуда сахламаг мәсләһәт ҝөрүлмүр.
Бананы сојудуҹуда сахладыгда габығы даһа тез гаралыр. Ашағы температур бананын тәркибинә тәсир етмәсә дә ону сојудуҹуда јох, сәрин вә гаранлыг јердә сахламаг даһа дүзҝүндүр.
Ҝүндәлик истифадә етдијиниз гәһвәнин өзүнәмәхсус дадыны һисс етмәк истәјирсинизсә ону сојудуҹуда сахламајын. Ашағы температурда сахлынылан гәһвә өз дадыны итирир.
Картоф вә соғаны да сојудуҹуда сахламаг мәсләһәт дејил. Сојудуҹуда олан температур бу тәрәвәзләрин һәм кејфијјәтини, һәм дә дадыны итирир.
Илһам Ҹәмилоғлу
Диггәт: Хәбәрдән истифадә етдикдә мәнбәјә истинад лазымдыр
