Түркиjәдә октjабрын 8-дән комендант сааты елан едилиб

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Түркиjәдә иғтишашлар нәтиҹәсиндә 15 нәфәр өлүб, онларла инсан jараланыб
Түркиjәнин бир нечә шәһәрләриндә баш вермиш иғтишашлар заманы 15 нәфәр өлүб.
өлкәнин 6 әjаләтиндә октjабрын 8-дән комендант сааты елан едилиб. Комендант сааты Диjарбакыр, Мардин, Сиирт, Муш, Ван вә Батман әjаләтиндә тәтбиг едилиб. Мәһз бу бөлҝәләрдә етиразлар вә иғтишашлар даһа ҝениш вүсәт алыб. Етиразчылар мағазалара вә бәләдиjjә әмлакына ҹидди зәрәр вурур, полис әмәкдашларыны даш-галаг едир. Етиразчылар һәмчинин jандырыҹы маjе илә долдурулмуш шүшә габларындан истифадә едәрәк  бина вә обjектләрә, автомобилләрә од вурур.    
Етираз аксиjаларында, әсасән, jерли күрдләр, күрдjөнүмлү партиjаларын вә ПКК-нын тәрәфдарлары иштирак едирләр. Суриjанын Кобани шәһәри әтрафында jаранмыш вәзиjjәтин иғтишашлара әсас сәбәб олдуғу билдирилир.  Геjд едәк ки, бу шәһәрдә “ИШИД” гүввәләри вә күрд өзүнүмүдафиә дәстәләри арасында һазырда шиддәтли дөjүшләр давам етмәкдәдир вә етиразчылар рәсми Анкаранын мүнагишәjә мүдахилә етмәмәк вә ҝөзләмә сиjасәтинә үстүнлүк вермәсинә гаршы чыхыш едирләр.      
Тоггушмаларын  етиразчылар вә полис гүввәләри, һәмчинин мүхтәлиф күрд тәшкилатларынын тәрәфдарлары арасында да баш вердиjи геjд олунур. Иғтишашлар заманы өләнләрин һамысы издиһамын арасында олан силаһлы шәхсләр тәрәфиндән ҝүлләләниб, jахуд да тоггушмалар заманы бычаг вә диҝәр хәсарәтләр сәбәбиндән өлүбләр. Онларла инсанын хәстәханаларда ағыр вәзиjjәтдә олдуғу билдирилир.    
ДИН-ин бәjанатында Кобани илә бағлы шаjиәләр jаjараг әһалини иғтишашлара тәһрик едән тәхрибатчылара гаршы сәрт тәдбирләр ҝөрүләҹәjини геjд едиб. Истанбул вә Анкара да дахил олмагла, бир нечә әjаләтдә асаjиш кешикчиләринә Гурбан баjрамы илә әлагәдар верилмиш 5 ҝүнлүк истираһәт вә мәзуниjjәтләр ләғв олунуб.
Полис етиразчылара гаршы ҝөзjашардыҹы газ, су шырнағы, бәзи һалларда исә резин ҝүлләләрдән истифадә едир.  
Бу арада Түркиjә президенти Рәҹәб Таjjиб Әрдоған Гәрб дөвләтләринин Суриjаjа вә Ирага мүдахилә етмәмәк сиjасәтини кәскин тәнгид едиб.
Өтән ҝүн  Газиантеп шәһәри jахынлығындакы “Ислаһиjjә” дүшәрҝәсиндә Суриjа гачгынлары гаршысында чыхышы заманы Әрдоған геjд едиб ки, гуру әмәлиjjат олмадан ендирилән һава зәрбәләри “ИШИД” гүввәләринин ирәлиләмәсинин гаршысыны ала билмәjәҹәк.     
“Тәк һава зәрбәләри илә террору арадан галдырмаг мүмкүн деjил. Гуру әмәлиjjатын апарылмасы үчүн әмәкдашлыг ҝәрәкдир”.
Әрдоғанын сөзләринә ҝөрә, Суриjадакы бөһранын арадан галдырылмасы үчүн учушсуз зона вә тәһлүкәсизлик-буфер зоналары елан етмәк лазымдыр, һәмчинин, геjри-радикал мүхалифәт гүввәләринин дәстәкләнмәси ҝәрәкдир.
Диггәт: Хәбәрдән истифадә етдикдә мәнбәjә истинад лазымдыр