Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ирагын Хүсуси Тәјинатлы Дәстәси ҹари илин Март ајында гондарма “ИШИД” адлы террор тәшкилатын лидерләриндән биринин евиндә әмәлијјат апардыглары заман, гејд олунан үнсүрләрин ҝәләҹәкдә һәјата кечирәҹәкләри планлар һаггда әһәмијјәт кәсб едән сәнәдләр әлә кечириб.
70 бәнддән ибарәт олан вә Ираг Тәһлүкәсизлик Даирәси тәрәфиндән тәсдигләнән сәнәдләр, гондарма “ИШИД” адлы террор тәшкилатын Ҝизли Дөјүшләр Кабинасынын 6 үзвләриндән бири олан Әбдуллаһ Әһмәд әл-Мәшһәдани тәрәфиндән јазылыб.
Сәнәдләрдә дејилир: “Русијанын Иранла һәмкарлығына сон гојмасы вә Иранын нүвә мәлуматларыны бизә өтүрмәси үчүн Ирагын әл-Әнбар әјаләтиндәки Нефт Гујулары мүтләг рүшвәт үнванында Путинә верилмәлидир. Иранын зәифләмәси вә Һормоз боғазына нәзарәтинин тәсирсиз галмасы үчүн исә, Әрәб Әмирликләри дахилиндә ҝениш су каналы газылмалыдыр ки, Нефт дашыјан танкер ҝәмиләр, боғаз васитәси илә хам малы хариҹи базарлара өтүрсүн.”
Сәнәдин диҝәр бир јериндә дејилир: “Һәмчинин Иранын игтисадијјатына зәрбә ендирмәк мәгсәди илә, Иранын милли сәрмајәси сајылан ИранКүрүСәнајесини зәифләтмәлијик. Дүнја базарыны Әфган Халчалары илә долдурмагла да Иранын халча базарыны дондурмалыјыг.”
Јараглыларын сәнәдләриндә дејилир: “Биз, Иран вә Ираг рәсмиләрини террор етмәклә, һәмчинин бүтүн Шиә силаһлы групларыны арадан апармагла өз хариҹи сијасәтләримизи тәмин едә биләрик.”
Сәнәдләрдә һәмчинин дејилир: “Сурија вә Пакистан сүнниләриндән тәләб олунуб ки, Шиәләрин компакт јашадыглары јерләрә көч едәрәк, тез евләниб чох ушаг дүнјаја ҝәтирмәклә узун мүддәт әрзиндә Фарс Көрфәзиндә Шиәләр ассимилјасија олунсун”.
Диггәт: Хәбәрдән истифадә етдикдә мәнбәјә истинад лазымдыр
