Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ираг Милли Ордусу халг дәстәләриндән ибарәт көнүллү бригадаларын көмәклији илә, өтән ҝеҹәдән башлајараг, Бағдадын Шимал Шәргиндә јерләшән Дијалә әјаләтиндә, гондарма “ИШИД” адлы “тәкфирчи” үнсүрләрә гаршы ҝенишмигјаслы јерүстү әмәлијјатлара башлајыб.
Гејд олунан әмәлијјатлар нәтиҹәсиндә Ираг Милли Ордусу ҹидди аванслар әлдә едиб.
Ираг Мүдафиә Назирлијинин билдирдијинә ҝөрә, Ираг Милли Ордусу мүвәффәгијјәтлә һәјата кечән әмәлијјатлар заманы 16 гәсәбәнин нәзарәтини там сүрәтдә әлә кечирәрәк, азғын “тәкфирчиләрдән” тәмизләјә билиб.
Мүдафиә Назирлијинин бәјанатында һәмчинин билдирилиб ки, әмәлијјатлар заманы, 100-дән артыг “ИШИД” үнсүрләри дармадағын едилиб, 50 –дән чох партлајыҹы гурғулар зәрәрсизләшдирилиб.
Ираг Милли Һава Гүввәләриндән верилән мәлуматларда исә, Һава Гүввәләринин Һиллә шәһәриндә һәјата кечиртдији әмәлијјатлар заманы дүшмән гүввәләринин 5 һәрби базасы мәһв едиләрәк, 70 јараглы өлдүрүлүб.
Диггәт: Хәбәрдән истифадә етдикдә мәнбәјә истинад лазымдыр
