Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, өтән ҝүн Русија Федерасијасынын Һәштәрхан вилајәтиндә кечирилән “IV Каспи Саммити 2014” иҹласы сона чатдыгдан сонра ики дөвләт Президентләри арасында сәмими ҝөрүш кечирилиб.
Иран Ислам Республикасы Президентинин Рабитә вә Информасија Офисинин мүавини Пәрвиз Исмаили, өз шәхси фејсбук сәһифәсиндә ики өлкә Президентләри арасында кечирилән ҝөрүш һаггда белә јазыб: “Дүнән 29 Сентјабр, 2014 тарихдә, “IV Каспи Саммити 2014” иҹласы уғурла баша чатды. Иҹласдан сонра Владимир Путин ҹәнаблары илә Доктор Һәсән Руһани ҹәнаблары арасында сәмими ҝөрүш кечирилди”.
О, даһа сонра, ики дөвләт Президентләринин бир ил әрзиндә 4 рәсми ҝөрүш кечиртмәкләринин сәбәбинә ишарә едәрәк билдириб: “Бир ил әрзиндә ики өлкә Президентләринин 4 дәфә ҝөрүшмәси, ики бөјүк вә гоншу халгын мүнасибәтләринин сүрәтлә инкишаф етдирмәјә башламаларыны нүмајиш етдирир”.
Пәрвиз Исмаили, Русија Президенти Владимир Путин ҹәнаблары илә Иран Ислам Республикасынын Президенти Һөҹҹәтүл Ислам вәл Мүслимин Һәсән Руһани ҹәнаблары арасында ҝөрүшүн олдугҹа сәмими кечдијинә ишарә едәрәк билдириб: “Чох сәмими вә хатирәләрдә галаҹаг бир ҝөрүшүн сонунда, Русија Федерасијасынын Президенти Кремил сарајынын Һәштәрхан нүмајәндәләринә Иран Ислам Республикасынын Президентинә вериләҹәк Һәдијјә габынын ҝәтирилмәсини фәрман верди. Габ (Бөјүк, ағыр вә әзәмәтли иди. Бир аз да зәдәләнмишдир.), сараја ҝәтирилдикдә дахилиндә “I Шаһ Аббас”ын 17-ҹи әсрдә (милади тарихи илә 1603 - 1618) Түркијә илә Иран арасында ҝедән мүһарибәдә иштирак едән әскәрләриндән биринин бүрүнҹ вә гызыл илә бәзәдилмиш галханы иди...”
Президентин Рабитә вә Информасија Офисинин мүавини даһа сонра Галханын ҹәнаб Руһанијә верилдикдә Русија Президентинин дедики сөзләринә ишарә едәрәк гејд едиб: “Галхан, ҹәнаб Һ. Руһанијә тәгдим олундугдан сонра исә, Русија Президенти ҹәнаб В. Путин, “Ҝөрүнүр галхан әсил саһибинин әлинә дүшдү, амма о заман баш верән мүһарибәнин әсл галиби Иран иди”- дејәрәк ҝүлүмсәди.”
Диггәт: Хәбәрдән истифадә етдикдә мәнбәјә истинад лазымдыр
