Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Иран Ислам Республикасы Хариҹи Ишләр Назирлијинин сөзчүсү Мәрзијә Әфхәм сентјабрын 25-дә журналистләрә вердији ачыгламасында гоҹаман һијләҝәр ләгәбин газанмыш Инҝилтәрә баш назири Девид Кемеронун БМТ Баш Мәҹлисиндәки гејри-әхлаги чыхышына реаксија вериб.
Ханым Мәрзијә Әфхәм дејиб ки, бөлҝәдә јаранмыш бүтүн проблемләрин көкү Инҝилтәрәнин реҝионда јеритдији хошаҝәлмәз сијасәтә ҝедиб чыхыр: “Тәәссүфләр олсун ки, террорчулара вердији дәстәји вә диҝәр әмәлләри илә бөлҝәни вә дүнјаны ИШИД шәринә дүчар едән бир өлкә өзүнә иҹазә верир ки, терроризмә гаршы мүбаризәдә һәмишә өн ҹәрҝәләрдә олан өлкәмиз һаггында јерсиз вә дүзҝүн олмајан бир рәј ирәли сүрсүн”.
Гејд едәк ки, Шотландија әразиләрини ишғал едән вә бу торпаглардакы нефт вә с. сәрвәтләри инҝилис халгынын хејринә истихраҹ едән, һабелә дүнја вә Јахын Шәргдә мүхтәлиф террорчу груплара дәстәк верән Инҝилтәрә сентјабрын 25-дә БМТ саммитинин 69-ҹу сессијасында баш назири Девид Кемерон симасында чыхыш едәрәк дејиб ки, Иранын террорчу груплара дәстәк вермәси, онун апардығы нүвә програмы вә өз халгы илә давраныш тәрзи тамамилә дәјишмәлидир.
Диггәт: Хәбәрдән истифадә етдикдә мәнбәјә истинад лазымдыр
