"Америка анлашманын әлдә олунмасына манечилик төрәдир"

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Иранын хариҹи ишләр назири Американын "НПР" Милли радиосуна вердиjи ачыгламасында Теһранын нүвә програмы илә бағлы диалоглар барәдә өз фикрини изаһ едиб.
Мәһәммәдҹавад Зәриф бәjан едиб: Бизҹә разылашмаjа наил олмаг jоллары мөвҹуддур, лакин jеҝанә проблем диалогларын илк нөвбәдә Америка вә Авропа мәканында бәзи дахили даирәләри севиндирмәли олмасыдыр.
Зәриф хатырладыб: "Американлар разылашма илә марагланмырлар, һалбуки әҝәр һәр бир истәнилән разылашманын әлдә олунмасыны һеч бир разылашманын әлдә олунмамасы илә мүгаjисә етсәниз анлашманын әлдә олунмасы оптималдыр.
Зәриф әлавә олараг деjиб: Әҝәр Америка тәтбиг едилән санксиjаларын сәмәрәли олмасына инанырса онда санксиjаларын ҝенишләндирилмәсинә исрарлы олан тәрәфләрдән сорушмаг лазымдыр ки, ембарголарын сәмәрә вә газанҹы олубму? Јахуд санксиjаларын онларын нәзәрдә тутдуғу һәдәфләринә көмәк едибми?
"Америкалылар һесаб едирләр ки, һәр һансы бир саһәдә Иранла разылашмаjа наил олмаг писдир, она ҝөрә дә онун әлдә олунмасына манечилик төрәдирләр."- деjә зәриф сөзләринә әлавә едиб.
Зәриф вурғулаjыб: Теһранын нүвә програмы һәрби һәдәфләрә хидмәт истигамәтиндә олан бир програм кими дәjәрләндирилмәмәлидир, әксинә бу програм динҹ мәгсәдлидир вә Иран бу програмдан ваз кечмәjәҹәк
Мүсаһибәсинин сонунда Иран халгынын Америка иҹтимаиjjәтинә олан мүнасибәтини дә изаһ едәрәк хатырладыб: АБШ Ирана гаршы ембарголары давам етдирир, һалбуки өтән ноjабр аjында Ҹеневрәдә әлдә олунан разылашмаjа jәни мүштәрәк фәалиjjәт програмына уjғун олараг Теһрана гаршы jени ембарголар тәтбиг етмәмәjи өһдәлик ҝөтүрүб.
Диггәт: Хәбәрдән истифадә етдикдә мәнбәjә истинад лазымдыр